medium

large

thumbnail

1536x1536

small

custom-size

Birna Ágústsdóttir sett sýslumaður á Vesturlandi

Drífa með gull og silfur á Íslandsmótinu

2048x2048

Sveitarfélagið Stykkishólmur gert upp með 40 milljóna króna tapi 2023

Ráðningarráð tekur til starfa hjá Akraneskaupstað

Erlendum grunnskólanemendum fjölgar

Borgarbyggð mun leiða starf Barnaverndarþjónustu Vesturlands

core/paragraph

Um miðjan maí árið 2022 hófst jarðvinna á vegum Fasteflis ehf. á Sementsreitnum svokallaða á Akranesi. Að sögn Óla Vals Steindórssonar hjá Fastefli gengur verkið vel en um er að ræða byggingu á fyrstu 33 íbúðunum með bílakjallara af 112 íbúða verkefni.

„BFU Vesturland er að vinna þetta verkefni á Sementsreit fyrir okkur og var sett á laggirnar vegna fyrirséðra verkefna á Vesturlandi. Félagið keypti og byrjaði meðal annars á að fjárfesta í gamla Heiðarskóla í Hvalfjarðarsveit. Við erum búnir að breyta honum úr opinberri stofnun í byggingu með leyfi til gistinga- og veitingareksturs og erum nú þegar búnir að taka í gegn stóran hluta af byggingunni. Þar býr m.a. hluti mannauðsins sem sinnir helstu verkefnum okkar á Vesturlandi,“ segir Óli Valur.

Er kominn einhver tímarammi á hvenær íbúðirnar á Sementsreitnum verða tilbúnar? „Varðandi fyrstu 33 íbúðirnar þá höfum við meðal annars hagað verkhraða í kringum þann tíma sem hönnun og útboði á gatnagerð Akranesbæjar tók en þar teljum við að vandað hafi verið til verka og við erum ánægð með samstarfið og viðmót starfsmanna bæjarfélagsins. Í millitíðinni settum við fókus á uppbyggingu á fyrstu 14 íbúðunum af 66 íbúðum á þremur lóðum á Fögruvöllum í Hvalfjarðarsveit sem seldust strax. En svo ég svari spurningu þinni þá gerum við ráð fyrir að afhenda íbúðirnar á Sementsreitnum í tveimur áföngum, frá því undir lok þessa árs fram á næsta vor en við gerum ráð fyrir að á þeim tíma gangi nýútgefin áætlun Akranesbæjar um gatnagerð eftir með sóma. Við setjum íbúðirnar í almenna sölu þegar gatnagerðin er komin af stað í samræmi við þá áætlun.“

core/image

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2024/04/Ibudir-a-Sementsreit-vel-a-veg-komnar-2.-1200x900.jpg" alt="" class="wp-image-76957" /><figcaption>Séð frá Suðurgötu. Ljósm. vaks</figcaption></figure>

Stoltur af þessu verkefni

Spurður um fleiri verkefni framundan hjá fyrirtækinu segir Óli Valur að þeir séu farnir af stað með með 22 íbúða verkefni á Fögruvöllum 3 í Hvalfjarðarsveit. „Við munum einbeita okkur að burðarvirkinu þar í sumar og haust meðan við dundum okkur við að klára innivinnu, klæðningu og frágang lóðar á Sementsbrautinni. Við höfum þegar lagt inn aðaluppdrætti og fengið samþykkta fyrir Skírnisgötu og Óðinsgötu á Sementsreitnum fyrir samtals 79 íbúðir til viðbótar. Við reiknum með að hefja jarðvinnu þar, þegar gatnagerð Akranesbæjar hefur tekið á sig mynd. Við bíðum með að gefa út nákvæmar tímasetningar hvað varðar framkvæmdahraða þar til við sjáum betur fyrir endann á þeirri gatnagerð,“ segir Óli Valur að endingu en bætir við: „Ég er afar stoltur af Sementsverkefninu og við lögðum mikinn metnað og tíma í undirbúning og hönnun þess. Þetta er gamall draumur að rætast og það er von mín og trú að við séum að leggja okkar að mörkum til þess að gera þennan góða stað enn betri til framtíðar.“

Fréttaveita Vesturlands

Íbúðir á Sementsreit vel á veg komnar