medium

large

thumbnail

1536x1536

small

custom-size

Lítil Barnamenningarhátíð í Borgarnesi

Skallagrímur hélt lokahóf í körfunni

Vilja stækka Garðavöll um níu holur

Síðari umferð biskupskosningar hafin

2048x2048

Uppbyggingarsjóður SSV auglýsir eftir öndvegisverkefnum

Verkalýðsdagurinn haldinn hátíðlegur

core/paragraph

Sambandsþing Norræna félagsins á Íslandi verður haldið á Akranesi næstkomandi laugardag. Þingið sitja fulltrúar allra Norrænu félaganna á Íslandi og ráða ráðum sínum og fjalla m.a. um lagabreytingar, störf félagsdeilda um landið, samstarf við systurfélög á Norðurlöndum og önnur þau mál sem efst eru á baugi. Um þessar mundir gegnir Ísland formennsku í Sambandi norrænu félaganna á öllum Norðurlöndum (FNF, Foreningerne Nordens Forbund).

Í tengslum við sambandsþingið á Akranesi verður haldinn opinn fundur í samstarfi við Norræna félagið þar sem allt áhugafólk er boðið velkomið. Á fundinn koma m.a. formaður Norræna félagsins, Hrannar B. Arnarson, Páll Snævar Brynjarsson framkvæmdastjóri SSV og fyrrum framkvæmdastjóri Vestnorræna ráðsins og fulltrúar Íslandsdeildar Norðurlandaráðs.&nbsp; Umræðuefnið verður formennskuáætlun Íslands í Norðurlandaráði, endurskoðun Helsinki sáttmálans og framtíðarsýn Norrænu félaganna. Fundurinn hefst kl. 15:15 á laugardag í FEBAN salnum, Dalbraut 4 á Akranesi.

Norræna félagið er gamalgróið félag sem starfar óháð flokkspólitík. Félög um norræna samvinnu voru fyrst stofnuð árið 1919 í Danmörku, Noregi og Svíðþjóð, og árið 1922 á Íslandi. Hlutverk Norræna félagsins er að efla norrænt samstarf, auka hreyfanleika á Norðurlöndunum og auka skilning á menningu, tungumálum og samfélögum Norðurlandanna. Þetta er gert með því að skapa tengsl milli einstaklinga, fjölskyldna, menntastofnana, bæjarfélaga og fyrirtækja á Norðurlöndunum. Hið fasta leiðarljós Norræna félagsins á Íslandi er að efla samstarf og vináttutengsl Íslendinga og annarra Norðurlandabúa.

„Fulltrúar Norræna félagsins á Akranesi vilja á þessum tímamótum hvetja Skagamenn til þátttöku í starfinu og skrá sig sem félaga.&nbsp; Það er hægt með auðveldum hætti, t.d. á fésbókarsíðu félagsins á Akranesi eða á heimasíðu NF, <a href="http://www.norden.is">www.norden.is</a>,“ segir í tilkynningu.

Fréttaveita Vesturlands

Halda Sambandsþing Norræna félagsins á Akranesi næstkomandi laugardag