medium

large

thumbnail

1536x1536

small

custom-size

Stækkun fyrirhuguð við leikskólann Ugluklett

Bekkir komnir á Breiðina

Frambjóðendur á ferð og flugi

Fundur haldinn vegna verkefnisins Gott að eldast

Sólarhylling heldri borgara

2048x2048

Ellefu gild framboð til embættis forseta Íslands

core/paragraph

Leyfi til hvalveiða í sumar hefur enn ekki verið gefið út í matvælaráðuneytinu þrátt fyrir að lög um hvalveiðar séu afdráttarlaus og óskað hafi verið eftir leyfinu í lok janúar. Eins og fram hefur komið tók Bjarkey Olsen Gunnarsdóttir VG við stöðu matvælaráðherra við síðustu hrókeringar í ríkisstjórn. Katrín Jakobsdóttir samflokkskona hennar hafði þá gegnt embættinu um tíma í veikindaleyfi Svandísar Svavarsdóttur sem tók við innviðaráðuneytinu við endurkomu hennar á þing í byrjun mánaðarins. Bjarkey Olsen sætir nú miklum þrýstingi samstarfsflokka hennar í ríkisstjórn um að heimila hvalveiðar án frekari tafa.

Kjördæmisráð Sjálfstæðisflokksins í Norðvesturkjördæmi kom saman til fundar á laugardaginn. Þar var samþykkt stjórnmálaályktun þar sem segir m.a. að það sé skýlaus krafa um að hvalveiðar verði heimilaðar þegar í stað. Hvalur hf. sendi í lok janúar beiðni þess efnis til matvælaráðuneytisins að gefið yrði út leyfi til hvalveiða í sumar, en þrátt fyrir að nú sé hálfur þriðji mánuður liðinn hefur erindinu ekki enn verið svarað með öðrum hætti en að málið væri í vinnslu. Kristján Loftsson forstjóri Hvals hefur látið hafa það eftir sér í Morgunblaðinu að tíminn sé að renna út. Leyfi þurfi að liggja fyrir til að hægt sé að afla aðfanga til veiða og vinnslu og ráða starfsfólk.

Þrýstingur frá stjórnarflokkunum

„Ég tel mjög alvarlegt ef ráðuneytið er að tefja afgreiðslu þessa máls út frá öðrum ómálefnalegum sjónarmiðum,“ sagði Teitur Björn Einarsson alþingismaður Sjálfstæðisflokks í Norðvesturkjördæmi í samtali við Morgunblaðið í dag. Telur hann alvarlegt ef málshraðareglur stjórnsýsluréttar séu ekki virtar, að teknu tilliti til þeirra hagsmuna sem undir liggja. „Það getur haft mjög alvarlegar afleiðingar ef ekki er farið að lögum og ómálefnaleg sjónarmið sem ekki eru lögmæt ráða för í afgreiðslu ráðuneytisins í þessu máli. Það er ekki þannig í okkar stjórnsýslu að ráðherra geti afgreitt svona mál eftir eigin geðþótta. Hann hefur einungis einn kost fyrir framan sig og hann er að fara að lögum og að uppfylltum skilyrðum laganna ber honum að veita leyfið. Svo einfalt er það mál,“ sagði Teitur Björn. Stefán Vagn Stefánsson (B) fyrsti þingmaður Norðvesturkjördæmis tekur í svipaðan streng í samtali við Morgunblaðið: „Ég er fylgjandi hvalveiðum og það er Alþingis að ákveða hvort hvalveiðar verði leyfðar eða ekki. Afstaða þingsins er ljós. Það eru leyfðar hvalveiðar hér,“ sagði Stefán Vagn og bætti því við að hann hafi væntingar til þess að nýr matvælaráðherra muni höggva á þennan hnút sem allra fyrst.

Fréttaveita Vesturlands

Skýlaus krafa um að leyfi til hvalveiða verði tafarlaust gefið út