Slökkvilið Akraness og Hvalfjarðarsveitar auglýsir nú eftir umsóknum frá nýliðum til starfa. „Auglýst er eftir nýliðum til starfa til að sinna útkallsverkefnum slökkviliðsins. Sérstaklega er óskað eftir aðilum á aldrinum 21-28 ára og eru einstaklingar af öllum kynjum hvött til þess að sækja um,“ segir í tilkynningu. Kynningarfundur um starfið verður haldinn á Slökkvistöð Akraness og Hvalfjarðarsveitar að Kalmansvöllum 2 miðvikudaginn 24. apríl næstkomandi kl. 20:00.