medium

large

thumbnail

1536x1536

2048x2048

small

custom-size

„Tilfinningin er sú að þetta sé mjög jöfn deild“

Byrjaði á beitningu í landi en stundar nú sjóinn

Engin lognmolla hjá Siggu Lóu

Aðalsteinn settur í embætti ráðuneytisstjóra

Diskóeyjan sýnd í Bíóhöllinni um miðjan maí

„Við eigum klárlega heima í Lengjudeildinni“

core/paragraph

<p>Næstkomandi sunnudag klukkan 15 munu þau Diddú og Óskar Pétursson koma fram á tónleikum í Borgarneskirkju ásamt Jónínu Ernu Arnardóttur. Tónleikarnir eru á vegum Minningarsjóðs Heimis Klemenzsonar sem var stofnaður árið 2018 til að styðja við ungt tónlistarfólk úr Borgarfirði sem stundar tónlistarnám á efri stigum. Reglulega hefur stjórn sjóðsins ásamt velunnurum staðið fyrir styrktartónleikum. ,,Þegar við stofnuðum þennan sjóð árið 2018 héldum við eftirminnilega styrktartónleika um haustið. Þar komu ýmsir fram, m.a. karlakórinn Söngbræður og Soffía Björg Óðinsdóttir ásamt vinum, ættingjum og samstarfsfólki Heimis,” segir Jónína Erna í samtali við Skessuhorn. ,,Ári síðar héldu Soffía Björk og Guðmundur Ingi Þorvaldsson tónleika undir formerkjum sjóðsins til að safna enn meira fjármagni. Síðan skall Covid á og þá gerðist lítið nema við náðum að halda úthlutun milli jóla- og nýárs árið 2020. Það er eina úthlutunin sem hefur verið úr sjóðnum, en þá hlutu þær Steinunn Þorvaldsdóttir, Hanna Ágústa Olgeirsdóttir og Anna Þórhildur Gunnarsdóttir styrk. Þær héldu svo styrktartónleika um haustið 2022 og Jakob Frímann hélt tónleika þarna í millitíðinni, einnig til að styrkja sjóðinn,” segir Jónína.</p>

<p>Næsta úthlutun úr sjóðnum mun fara fram á tónleikunum á sunnudaginn. ,,Núna ætlum við að úthluta og fáum til okkar stórskotaliðið Óskar Pétursson og Sigrúnu Hjálmtýsdóttur en ég mun spila með þeim,“ segir Jónína. „Við munum flytja skemmtileg sönglög og dúetta ásamt því að slá á létta strengi. Þau munu gefa vinnu sína fyrir minningarsjóðinn eins og allir aðrir hafa gert í gegnum tíðina en við höfum mætt miklum velvilja þegar við höfum verið að halda styrktartónleika. Við viljum að sjálfsögðu fá fullt hús til að geta haldið áfram að úthluta. Það er mikilvægt að styðja við tónlistarfólk héðan sem er að gera góða hluti og leyfa ungu og efnilegu fólki að finna fyrir því að samfélagið styðji við bakið á þeim og ýti þeim áfram,” segir hún að lokum.</p>

Styrktartónleikar í Borgarneskirkju