medium

large

thumbnail

1536x1536

small

custom-size

Birna Ágústsdóttir sett sýslumaður á Vesturlandi

Drífa með gull og silfur á Íslandsmótinu

2048x2048

Sveitarfélagið Stykkishólmur gert upp með 40 milljóna króna tapi 2023

Ráðningarráð tekur til starfa hjá Akraneskaupstað

Erlendum grunnskólanemendum fjölgar

Borgarbyggð mun leiða starf Barnaverndarþjónustu Vesturlands

core/paragraph

Fjölbrautaskóli Snæfellinga (FSN) hefur starfað frá árinu 2004 og yfirstandandi skólaár er því tuttugasta starfsárið. Blaðamaður Skessuhorns sló á þráðinn til Hrafnhildar Hallvarðsdóttur skólameistara til að forvitnast um skólastarfið.

Skóli í sífelldri þróun

„Skólastofnun eins og FSN er í sífelldri þróun, hér er starfsfólk sem alltaf finnur upp á nýjungum í kennslu og þróast í starfi,“ segir Hrafnhildur. „Það eru forréttindi að vinna með&nbsp; nemendum, sem sjá hlutina svo oft í öðru ljósi en við sem eldri erum. Það hefur einmitt verið einkennandi fyrir skólann frá stofnun að hér er verkefnamiðað nám þar sem nemendur vinna verkefni en sitja ekki og hlusta á kennarann. Áhersla er á sjálfstæð vinnubrögð og að nemendur tjái sig munnlega og skriflega um innihald námsins. Leiðsagnarmat er haft til grundvallar og byggir á því að vinna. Verkefni nemenda eru síðan metin reglulega með uppbyggjandi hætti.&nbsp;Húsfundir eru fastir liðir og á síðasta húsfundi ræddu nemendur og starfsfólk um hvernig ætti að&nbsp; halda upp á 20 ára afmælið; því munum við fagna með hátíðarhöldum í haust.“

Hrafnhildur segir að það fylgi framhaldsskólum að þar sé alltaf eitthvað að gerast. „Unga fólkið heldur okkur vakandi,“ segir hún. „Nú um helgina fór Söngkeppni framhaldsskólanna t.d. fram og FSN átti þar keppanda, Davíð Svan Hafþórsson. Svo fóru nokkrir nemendur nýverið ásamt Hólmfríði Friðjónsdóttur þýskukennara til Berlínar í valáfanga um þessa höfuðborg Þýskalands. Nemendurnir skipulögðu leiðangurinn undir handleiðslu kennara síns og var mikil ánægja með ferðina. Áfanginn hefur verið kenndur nokkuð oft og verður áfram í boði.

Skíðaferðir og fleira

Þýskuáfanginn er ekki eini áfanginn sem býður upp á ferðir út fyrir skólann. Í byrjun mars fór hópur 40 nemenda og kennara á skíði í Hlíðarfjalli og var einstaklega heppinn með veður. Skíðafærið var feikigott og allir náðu að renna sér á skíðum eða brettum. Fararstjórar voru þau Gísli Pálsson íþróttakennari og Guðrún Jóna Jósepsdóttir fjármálastjóri og skíðakona. Auk skíðaáfangans var boðið upp á vetraríþróttaáfanga og nemendur hafa farið á skíði í Bláfjöll og í skautahöllina í Reykjavík. Einn góðviðrisdag í febrúar var uppbrot á kennslu og nemendur og starfsfólk fóru á skíðasvæði Snæfellinga í Grundarfirði. Svo var lazertag í skólanum um kvöldið og allir skemmtu sér hið besta.

Sólardagar, árshátíð og fleira

Sólardagar í FSN eru þemadagar þar sem nemendur vinna í hópum á morgnana auk þess að fá fyrirlestra um geðheilbrigði sem var þema síðustu viku. Eftir hádegi var kennslan brotin upp og nemendur fengust við verkefni s.s. vöfflu- og pönnukökubakstur, prjón og hekl, píluspil og pókerspil. Vikunni lauk með árshátíð nemenda þar sem þau snæddu kvöldverð ásamt starfsfólki og skemmtu sér yfir heimatilbúnum skemmtiatriðum. Skólinn hefur gert alþjóðasamninga undanfarið; er til að mynda bæði UNESCO og AFS ERASMUS + skóli. Tveir nemendur fara á næstunni sem skiptinemar til Ungverjalands og Slóveníu.

Endurmenntunin og fjarnámið

Hrafnhildur segir að starfsfólkið hafi verið duglegt að sækja sér endurmenntun, enda sé það mikilvægt. Nýverið fóru allir á starfsþróunardag og fjórir starfsmenn fóru til Lanzarote á námskeið. Á næstunni fara svo tveir starfsmenn á námskeið til Tenerife.

Skólinn hefur starfrækt deild á Patreksfirði frá árinu 2007 þar sem nemendur af suðursvæði Vestfjarða stunda nám undir stjórn kennara í Grundarfirði með aðstoð nútíma upplýsingatækni. Það var upphaflega þróunarverkefni til fjögurra ára, en reynslan hefur verið góð og margir hafa lokið stúdentsprófi. Nemendafjöldi deildarinnar hefur aukist jafnt og þétt frá því að vera 12 nemendur haustið 2007 í ríflega 30 nemendur.

Um 200 nemenda skóli

Alls stunda nú um 200 nemendur nám í FSN. Hópur fjarnemenda hefur stækkað og skiptingin á mili fjarnemenda og staðnemenda er nánast jöfn, enda hafa kennarar allt frá stofnun&nbsp; gert allar kennsluáætlanir með það fyrir augum að þær henti bæði dagskóla- eða dreifnemendum. Það hefur gert það að verkum að nemendur eru allir í sama hópnum. Hrafnhildur segir dreifmennt vera góðan kost til að brúa bil milli landshluta og gera einstaklingum kleift að stunda það nám sem þeir kjósa sér hvar sem þeir eru staddir. Hún lýkur spjallinu með þeim orðum að starfsfólk skólans horfi bjartsýnt til framtíðar og skólahaldið muni halda áfram að dafna og þroskast.

core/image

Nemendur FSN staddir í Berlín. Ljósm. aðsend

Fréttaveita Vesturlands

Fjölbrautaskóli Snæfellinga 20 ára