medium

large

thumbnail

small

custom-size

Frambjóðendur á ferð og flugi

Fundur haldinn vegna verkefnisins Gott að eldast

1536x1536

Sólarhylling heldri borgara

2048x2048

Ellefu gild framboð til embættis forseta Íslands

Naumt tap ÍA gegn FH í spjaldaleik

Kúalaug á Reykhólum fær myndarlegan styrk

core/paragraph

Skessuhorn ákvað að taka saman heildarfjölda ferðamanna á helstu ferðamannaseglum Vesturlands fyrir árið 2023, en einnig var haft samband við þjónustuaðila flestra staðanna. Púlsinn var tekinn á hvort framkvæmdir væru fyrirhugaðar á þessum helstu seglum Vesturlands. Á mörgum þekktum ferðamannastöðum eru teljarar við bílastæði og eru flestar tölur frá þeim í birtingu á vef Ferðamálastofu Íslands.

Ytri-Tunga á Snæfellsnesi

Ströndin við Ytri-Tungu í Staðarsveit er fyrst og fremst einn besti selaskoðunarstaður á Íslandi. Selir koma þangað vegna grýttrar strandarinnar, þar sem þeir geta fundið fullkomna blöndu af meginlandi og nálægð við öruggt hafið. Mikið hefur verið lagt í göngustíga, frá stóru bílastæði og út í fjöru. Samtals komu um 50.000 farartæki inn á nýja bílaplanið árið 2023 en teljari var settur við innkeyrsluna í maí. Landeigendur fengu styrk til göngustígagerðar frá Framkvæmdasjóði ferðamannastaða árið 2023, en mikil landeyðing hafði orðið við bakka strandarinnar. Lögð var inn umsókn til sjóðsins til frekari uppbyggingar á göngustígum og einnig til byggingar salernis.

Hraunfossar í Borgarfirði

Hraunfossar í Borgarfirði eru sérstakt náttúruvætti og þykja með fegurstu náttúruperlum landsins. Þar streymir lindárvatn hvítfyssandi undan Hallmundarhrauni og niður í Hvítá; staður sem vart á sinn líka. Alls komu um 230.000 gestir á bílastæðið við Hraunfossa árið 2023 en framundan er áframhaldandi viðhaldsvinna við göngustíga og hönnunarferlar.

Saxhóll á Snæfellsnesi

Saxhóll á Snæfellsnesi er 40 metra hár formfagur gígur innan marka Þjóðgarðsins Snæfellsjökuls. Hann hefur verið vinsæll til uppgöngu enda staðsettur nálægt veginum og aðgengi að honum gott. Tröppur hafa verið lagðar upp á toppinn svo auðvelt er að ganga upp og njóti útsýnisins. Bílastæði eru við gíginn. Heildarfjöldi gesta á Saxhól árið 2023 var 199.637 gestir og ýmsar framkvæmdir eru á dagskrá við þennan formfagra gíg.

Eldborg í Hnappadal á Snæfellsnesi er óvenjulega formfagur gígur sem rís 60 metra yfir hraunið í kring og er stærstur gíga á stuttri gossprungu. Gígopið er sporöskjulagað, um 100 metrar í þvermál og 50 metra djúpt. Veggirnir eru mjög brattir, gerðir úr örþunnum hraunskánum. Eldborg var friðlýst árið 1974. Heildarfjöldi gesta árið 2023 var 13.000 og fram undan er vinna við nýtt bílastæði við upphaf gönguleiðarinnar upp að gígnum.

Djúpalónssandur

Djúpalónssandur á Snæfellsnesi er skemmtileg, bogamynduð malarvík með ýmsum furðulegum klettamyndunum. Þarna er einstaklega kraftmikill staður þar sem hraunið mætir úthafinu og hægt er að fá orku, innblástur og útrás, en líka kyrrð og frið. Heildarfjöldi gesta á Djúpalón árið 2023 var 205.746 gestir og fyrirhugað er nýtt bílastæði og salernishús í samræmi við deiliskipulag á svæðinu. Nú þegar hefur verið lagt mikið í göngustíga og gönguleiðin á milli Dritvíkur og Djúpalónssands er tilbúin.

core/image

Grábrók í Borgarfirði

Grábrók í Norðurárdal er stærsti gígurinn af þremur fagurmótuðum gjallgígum á stuttri gossprungu. Göngustígar liggja upp á Grábrók og er gangan við flestra hæfi; einstakt útsýni er þaðan yfir Borgarfjarðarhérað. Heildarfjöldi gesta á Grábrók árið 2023 var 95.000 gestir og framundan er áframhaldandi viðhaldsvinna við bílastæði og gönguleið.

Fossinn Glymur er í Botnsá í Botnsdal í Hvalfirði. Hann er hæsti aðgengilegi foss landsins en fallhæð hans er 198 metrar. Áin rennur síðan í hrikalegu gljúfri niður undir dalbotn og út í Botnsvog. Heildarfjöldi gesta við Glym árið 2023 var 41.715 gestir.

Eiríksstaðir í Dölum

Á Eiríksstöðum í Haukadal eru fornar rústir sem líklega eru bær Eiríks rauða Þorvaldssonar og konu hans Þjóðhildar Jörundardóttur. Rústirnar eru friðlýstar fornminjar. Skammt vestan við þær var reistur tilgátubær sem vígður var árið 2000 í tilefni þess að 1000 ár voru liðin frá landafundum Leifs heppna í Ameríku. Heildarfjöldi þeirra sem heimsóttu Eiríksstaði árið 2023 var 13.589 gestir. <a>Samkvæmt Bjarnheiði Jóhannsdóttur stendur til að merkja göngustíga og bæði að byggja og brenna hús í sumar, á eldhátíðinni sem haldin verður á Eiríksstöðum.</a>

Kirkjufellsfoss á Snæfellsnesi er kenndur við samnefnt fell rétt við Grundarfjörð. Afar vinsælt er að fara yfir gömlu brúna sem liggur ofan við fossinn og njóta þaðan stórkostlegs útsýnis á Kirkjufellið. Ekki eru til neinar tölur um heildarfjölda þeirra ferðamanna sem heimsóttu Kirkjufellsfoss en samkvæmt Þórólfi Gunnarssyni, framkvæmdarstjóra Sannra Landvætta, er vatn og rafmagn komið á svæðið og fyrirhugað er að byggja almenningssalerni við bílastæðið og útsýnispall ásamt því að halda áfram framkvæmdum við göngustíga.

Snæfellsjökulsþjóðgarður

Heildarfjöldi gesta þjóðgarðsins árið 2023 var 434.405 gestir <a>en heildarfjöldi á gestastofur þjóðgarðsins Malarrifi og Hellissandi var 100.781 gestur. </a>Viðhald og endurnýjun göngustíga verður í friðlandinu á Búðum, á Arnarstapa og gönguleið á milli Lóndranga og Svalþúfu. Einnig verður vinna við gerð minjaheildarsvæðis á Öndverðarnesi í samvinnu við Minjastofnun. Gerður verður sögustígur um svæðið og einstaka minjar um sjósókn á svæðinu verði endurreistar.

Gönguleið á Eldborg. Ljósm. hig

Fréttaveita Vesturlands

Ferðamannasumar fram undan