medium

large

thumbnail

1536x1536

2048x2048

small

custom-size

Úr sarpi – Vigfús fagnar aldarafmæli sínu eftir rétta viku

Óformleg skoðun á sameiningu Dala og Húnaþings vestra

Hafsteinn gaf tónlistarskólanum safn bóka

Jólabókaflóð í Samkomuhúsinu í Grundarfirði

Rithöfundar komu í heimsókn í Brekkó

Gera ráð fyrir góðum rekstrarafgangi og lækkun skulda árið 2025

core/paragraph

Leiklistaklúbburinn Melló í Fjölbrautaskóla Vesturlands á Akranesi frumsýnir söngleikinn Grease föstudaginn 12. apríl næstkomandi í Bíóhöllinni. Einar Viðarsson er leikstjóri, Flosi Einarsson sér um tónlistarstjórn og Margrét Hörn Jóhannsdóttir um öll dansatriði. Yfir 50 manns taka þátt í sýningunni, 17 hlutverk eru í henni og svo söngtríó, dansarar og hljómsveit. Svo eru enn fleiri sem koma að sýningunni eins og þeir sem sjá um markaðsmálin, búningana, leikmyndina, hár og förðun og fleira. Lögin í sýningunni eru öll sungin á íslensku og eru textar eftir Veturliða Guðnason. Um er að ræða sömu uppfærslu á Grease sem var sýnd skömmu fyrir síðustu aldamót en aðalhlutverkin í þeirri sýningu léku fyrrum hjónakornin Selma Björnsdóttir og Rúnar Freyr Gíslason.&nbsp;

Blaðamaður Skessuhorns kíkti í Bíóhöllina um síðustu helgi þar sem æfingar á Grease voru í fullum gangi og náði að króa Einar leikstjóra af í stutt spjall. Æfingar hófust í Bíóhöllinni fyrir þremur vikum síðan og segir Einar að æfingarnar hafi gengið mjög vel. „Þetta er ferli sem tekur sinn tíma og auðvitað tekur þetta einnig lengri tíma þegar við erum með sjö manna hljómsveit í sýningunni. Það munar töluvert um það í æfingaferlinu en það er aðeins styttra síðan þau komu til að vera með okkur eða fyrir viku síðan eða svo.“

Einar segir að þau hafi tekið gróf rennsli á sýningunni fljótlega eftir að æfingar í Bíóhöllinni hófust en þá er í raun sýningin æfð og sett á svið frá byrjun til enda. „Svo reynum við að fínpússa sýninguna eftir hvert skipti og fækka síðan mistökum og reyna að láta sýninguna fljóta betur. Við erum einnig að athuga með þessu hvort sýningin gangi tæknilega upp hjá okkur og hvort við þurfum að breyta einhverju. Það er alltaf pláss til að breyta og bæta og það hefur bara gengið ágætlega hjá okkur.“

core/image

T-Birds strákarnir eru töffarar af Guðs náð.

Gríðarleg spenna fyrir frumsýningu

En hafa krakkarnir ekki staðið sig vel í ferlinu? „Þau hafa staðið sig eins og herforingjar og þetta er rosalega skemmtilegur og jákvæður hópur. Ég held við getum verið rosalega stolt af skólanum okkar og þessum duglegu krökkum.“ Er komin einhver þreyta í mannskapinn? „Hellings þreyta en það er hluti af þessu. Við vorum hérna meira og minna í páskafríinu okkar og höfum verið að æfa frá því í byrjun febrúar. Við höfum verið að mjaka okkur rólega inn í æfingaferlið og nú er hver einasti dagur mikilvægur. Við höfum eins og um helgar byrjað klukkan tíu á morgnana og verið langt fram á kvöld.“ Spurður hvort það sé ekki komin smá spenna fyrir frumsýningu segir Einar að hún sé gríðarleg. „Þetta er auðvitað alltaf smá stress hvort við náum þessu eins og við sjáum þetta fyrir okkur og ég held að við séum á réttri leið í því.“

Er ekki Grease skemmtilegt verk að leikstýra? „Þetta er mjög klassískt söngleikjaverkefni sem er mjög gaman að koma að og það er búið að vera mjög lærdómsríkt að vinna með þessum efnilegu og áhugasömu krökkum í sýningunni. Við vonum bara að fólk flykkist á sýninguna og verði ánægt með okkur, þá er takmarkinu náð,“ segir Einar Viðarsson leikstjóri að lokum.

Hljómsveitin tekur virkan þátt í sýningunni.

Fréttaveita Vesturlands

Söngleikurinn Grease frumsýndur á föstudag