medium

large

thumbnail

small

custom-size

Veghefill valt

Heiðar Árni og Vildís Þrá til starfa við búskap LbhÍ

Hvetja yfirvöld til viðgerða og viðhalds á Hvítársíðuvegi

1536x1536

Íþróttamiðstöðin lokuð vegna vatnstjóns

Ný blanda fyrir beinin unnin úr þorskbeinum og hugviti á Akranesi

Vonin blíð í Orrahríð – Tónleikar í Bíóhöllinni

core/paragraph

Talsvert hefur verið fjallað um umhverfismál á síðum Skessuhorns í gegnum tíðina og einn þáttur í þeim er flokkun sorps. Sveitarfélög á Vesturlandi eru í óða önn að taka fjórðu flokkunartunnuna í notkun undir lífrænan úrgang. Um leið er gert ráð fyrir að gler, málmar, spilliefni og fleira verði skilað á gámastöðvar.

Flokkunin á uppleið

Þakkarvert er hversu margir íbúar leggja sig fram um að flokka og sífellt fleiri raða sér í þann hóp. Góðar merkingar hjálpa mjög í þessu sambandi og nýlegar rannsóknir hafa sýnt að notkun á samræmdum og skýrum flokkunarmerkingum úrgangstegunda nær fram betri flokkun. Hún dregur úr magni úrgangs og kostnaði við meðhöndlun hans. Í nýjustu skýrslu Sorpurðunar Vesturlands um grænt bókhald kemur fram að samtals voru urðuð 16.767 tonn af úrgangi í Fíflholtum á Mýrum á árinu 2022, en sambærileg tala fyrir árið 2023 var 14.924 tonn. Það munar því allnokkuð um flokkunina. Til fróðleiks má geta þess að í árslok 2022 hafði úrgangur verið urðaður í Fíflholtum í 24 ár og var heildarmagn urðaðs úrgangs frá upphafi þá komið í 268.758 tonn.

Íslenska grænmetið og plastið

Neytendur hafa margir hverjir kvartað undan óhóflegri notkun plasts í umbúðir utan um íslenskt grænmeti. Á heimasíðu Sölufélags garðyrkjumanna er fjallað um þetta og sagt að því sé þó aldrei pakkað inn að óþörfu. Tilgangurinn með umbúðunum sé fyrst og fremst tvíþættur, annars vegar rekjanleiki og hins vegar að draga úr matarsóun. Góðar umbúðir komi þannig í veg fyrir rýrnun við geymslu og flutninga. Eftir sem áður er unnið í að leita uppi umhverfisvænni umbúðir til að draga úr plastnotkun og grænmetiskassar eru þrifnir með sérstökum hætti án hreinsiefna sem annars færu beint út í frárennslið. Þetta gerir kleift að nota sömu kassana aftur og aftur. Sölufélagið hætti notkun á frauðplasti og plastbökkum fyrir rúmum áratug og tóku upp bakka úr endurvinnanlegum pappa í staðinn.

Næsta skref í átt að umhverfisvænni umbúðalausnum Sölufélagsins er að pakka kartöflum í bréfpoka sem mun draga enn meira úr plastnotkun. Með ýmsum aðgerðum hefur félaginu tekist að draga úr plastnotkun um 60-65% en hafa það að markmiði að umbúðir þess verði að fullu lausar við plast þegar upp er staðið. Að sögn Gunnlaugs Karlssonar forstjóra Sölufélagsins er alltaf verið að skoða hvaða lausnir henta best til að halda vörunni ferskri, hámarka líftíma vörunnar og lágmarka matarsóun á sama tíma og umhverfisáhrifin af þeim umbúðum sem verða fyrir valinu spila inn í.

Góðu fréttirnar

Góðu fréttirnar eru þær hversu margir landsmenn flokka sorp; þeim fækkar sífellt sem horfa með angist á ruslið og vita ekki hvað skal gera. En framleiðendur mættu almennt bæta sig, annars vegar með því að minnka plastnotkun og hins vegar með því að gefa góðar upplýsingar um hvernig flokka skal umbúðir.

Fréttaveita Vesturlands

Ruslið og angistin