medium

large

thumbnail

1536x1536

small

custom-size

Birna Ágústsdóttir sett sýslumaður á Vesturlandi

Drífa með gull og silfur á Íslandsmótinu

2048x2048

Sveitarfélagið Stykkishólmur gert upp með 40 milljóna króna tapi 2023

Ráðningarráð tekur til starfa hjá Akraneskaupstað

Erlendum grunnskólanemendum fjölgar

Borgarbyggð mun leiða starf Barnaverndarþjónustu Vesturlands

core/paragraph

Skagamenn tóku á móti Fjölni í annarri viðureign liðanna í 8-liða úrslitum 1. deildar í körfuknattleik í gærkvöldi um eitt laust sæti í Subway deildinni á næsta tímabili. Leikurinn fór fram fyrir nánast fullu húsi á Jaðarsbökkum og var öllu tjaldað til, grillaðir hamborgarar voru til sölu og mikil stemning í húsinu. Fyrir leik leiddi Fjölnir 1-0 í einvíginu og hafði unnið allar fjórar viðureignir liðanna í vetur sem þýddi að það var á brattann að sækja hjá heimamönnum.

Leikurinn fór frekar hægt af stað, leikmenn voru ekki að hitta neitt í byrjun og það virtist vera smá stress í gangi. Eftir um fimm mínútna leik í stöðunni 10:8 fóru hlutirnir að gerast, mikill hraði var í leiknum á þessum tímapunkti og eftir fyrsta leikhluta var staðan 22:23 fyrir Fjölni. Spennan hélt áfram í öðrum leikhluta, liðin skiptust á að ná forystu og staðan í hálfleik var 42:41 ÍA í hag.

Það var ekkert gefið eftir í þriðja leikhluta og allt enn í járnum eftir rúman fimm mínútna leik, staðan 50:52. En þá gengu gestirnir á lagið og þeir hittu ansi vel á meðan leikmenn ÍA voru ekki mjög svo heitir. Í öllum leikhlutanum tóku þeir til að mynda sjö þriggja stiga skot og hittu aðeins úr tveimur og hin fimm voru allt svo kallaðir loftboltar, þar eð boltinn kom hvorki við hring né spjald. Fyrir fjórða og síðasta fjórðung var Fjölnir kominn með tíu stiga forskot, 54:64, og ljóst að Skagamenn þyrftu að gera bragarbót á sínum leik. Skagamenn komu síðan af fullum krafti inn í fjórða leikhluta og náðu að jafna metin eftir fjögurra mínútna leik, staðan 68:68 og allt á suðupunkti. En þá skelltu gestirnir í lás, þeir náðu 1-13 áhlaupi á þriggja mínútna kafla og gerðu út um leikinn. Heimamenn lentu síðan í villuvandræðum undir lokin og Fjölnismenn sigldu sigrinum örugglega í hús, lokatölur 80:88 Fjölni í vil.

Aamondae Coleman var stigahæstur hjá ÍA með 21 stig, Srdan Stojanovic var með 17 stig, Þórður Freyr Jónsson með 16 stig, Styrmir Jónasson með 12 stig og Aron Dagsson með 10 stig. Hjá Fjölni voru Kennedy Clement og Lewis Diankulu með 20 stig hvor auk þess sem Lewis tók 16 fráköst og Viktor Steffensen skoraði 12 stig.

Fjölnir leiðir því einvígið 2-0 og þurfa einn sigur í viðbót til að komast í undanúrslit. Þriðji leikur liðanna verður næsta föstudag í Dalhúsum og hefst klukkan 19.15.

Fréttaveita Vesturlands

Skagamenn komnir upp við vegg í körfunni