medium

large

thumbnail

1536x1536

2048x2048

small

custom-size

Afhentu bæjarstjóra undirskriftalista

Menningarferð FaB um Lundarreykjadal

Valentin vann gull á Mjölni Open fimmta árið í röð

Fjölgað í húsvarðateymi sveitarfélagsins

Ólafsvíkurvöllur og Skallagrímsvöllur á lista topp tíu valla landsins

Tólf skiluðu inn framboðum til forseta

core/paragraph

Frumvarp um breytingar á lögum um háskóla sem snúa að örnámi og prófgráðum úr diplóma- og viðbótarnámi var samþykkt á Alþingi fyrir páska. Frá þessu er greint á vef Stjórnarráðsins.

Örnám í formi viðurkenndra námseininga

Áform um þetta voru fyrst kynnt í lok árs 2023. Hingað til hefur örnám ekki verið sérstaklega nefnt í lögum um háskóla, en með þessu hefur heimild háskóla til að bjóða upp á örnám til námseininga verið lögfest. Örnám felur í sér staðlaðar námseiningar og lýtur öllum gæðakröfum sem gerðar eru til náms á háskólastigi. Örnám hefur vaxið hratt í Evrópu á liðnum árum, ekki síst vegna krafna atvinnulífs og einstaklinga um hæfniþróun og endurmenntun í formi styttri námsleiða. Íslenskir háskólar hafa verið jákvæðir gagnvart örnámi sem leið til að auka tækifæri til háskólanáms fyrir fjölbreytta hópa.

Hvetur fjölbreyttan hóp til náms

„Örnám er nýtt og spennandi tæki sem veitir háskólum á Íslandi tækifæri til að hreyfa við námsframboði sínu og auka sveigjanleika þess. Vonir standa til þess að framboð örnáms hvetji fjölbreyttan hóp nemenda til að skrá sig í nám, þannig geta háskólarnir enn betur gegnt samfélagslegu hlutverki sínu, t.a.m. gagnvart fólki af erlendum uppruna, fólki með fötlun eða aðrar sérþarfir eða til að auka hlut karla í háskólanámi hér á landi,“ sagði Áslaug Arna Sigurbjörnsdóttir, háskóla-, iðnaðar- og nýsköpunarráðherra þegar hún mælti fyrir breytingarfrumvarpinu í upphafi árs.

Auk lögfestingar á heimild háskóla til að bjóða upp á örnám til námseininga fela lagabreytingarnar í sér svigrúm til að aðlaga diplómapróf og viðbótarpróf á meistarastigi til 1. ágúst 2025 samkvæmt óskum háskólanna. Breytingarnar eru einnig liður í uppfærslu á gildandi viðmiðum um æðri menntun og prófgráður. Í þessu felst m.a. að lágmark ECTS-eininga til diplóma- og viðbótarprófs á meistarastigi hækkar úr 30 í 60 ECTS og opnað er á möguleika á veitingu M.Phil.-prófs á doktorsstigi.

Fréttaveita Vesturlands

Háskólar geta nú boðið upp á viðurkennt örnám