medium

large

thumbnail

1536x1536

small

custom-size

Birna Ágústsdóttir sett sýslumaður á Vesturlandi

Drífa með gull og silfur á Íslandsmótinu

2048x2048

Sveitarfélagið Stykkishólmur gert upp með 40 milljóna króna tapi 2023

Ráðningarráð tekur til starfa hjá Akraneskaupstað

Erlendum grunnskólanemendum fjölgar

Borgarbyggð mun leiða starf Barnaverndarþjónustu Vesturlands

core/paragraph

Valur og ÍA áttust við í fyrstu umferð Bestu deildarinnar í knattspyrnu í gærkvöldi og var leikurinn á N1-vellinum að Hlíðarenda. Valsmenn eru til alls líklegir á Íslandsmótinu eftir að hafa fengið Gylfa Sigurðsson til liðs við sig fyrir tímabilið á meðan Skagamenn eru nýliðar í deildinni og þurfa að fóta sig á nýjan leik eftir árs fjarveru. Valur var með góða stjórn á leiknum fyrsta hálftímann án þess að skapa sér einhver alvöru færi. Á 38. mínútu átti Gylfi fyrirgjöf inn á teig ÍA þar sem Orri Sigurður Ómarsson var á fjærstönginni og hann skallaði boltann fyrir markið beint á kollinn á Patrick Pedersen sem skoraði af stuttu færi. Hans 100 mark í efstu deild og skömmu síðar fékk Gylfi ágætis færi í teignum en setti boltann rétt fram hjá markinu. Staðan 1-0 í hálfleik og ljóst að Skagamenn þyrftu að gera betur í seinni hálfleik til að fá eitthvað út úr leiknum.

Skagamenn fengu síðan ágætis færi á 55. mínútu þegar varnarmaðurinn Johannes Vall fékk boltann vinstra megin og átti frábæra sendingu inn á teiginn á Viktor Jónsson sem náði ekki að koma boltanum í netið. Þetta kom fljótlega í bakið á gestunum því fjórum mínútum síðar lyfti Bjarni Mark Antonsson boltanum inn á teiginn á Aron Jóhannsson sem skallaði boltann fyrir fætur Gylfa sem setti hann í hægra hornið, óverjandi fyrir Árna Marinó Einarsson sem hafði átt margar ágætis vörslur fyrr í leiknum. Staðan 2-0 fyrir Val og korteri fyrir leikslok var Valsarinn Jónatan Ingi Jónsson aleinn í teignum en skallaði boltann eftir fyrirgjöf beint á Árna Marinó. Lítið markvert gerðist síðustu mínútur leiksins og heimamenn sigldu sigrinum örugglega í hús, lokatölur 2-0 Val í vil.

Næsti leikur Skagamanna er á móti HK næsta sunnudag í Kórnum í Kópavogi og hefst viðureignin klukkan 17.

Gylfi Sig í aðalhlutverki í sigri Vals á ÍA