medium

large

thumbnail

1536x1536

small

custom-size

Vorboðinn ljúfi mættur til starfa

2048x2048

Stofnmæling helstu botnfisktegunda

Endurbætur á miðálmu grunnskólans í Borgarnesi

Fjölskylda Soffa styrkir skíðafélagið í tilefni tímamótanna

Sérstök framkvæmdanefnd skipuð um málefni Grindavíkur

100 ár í dag frá fæðingu Soffaníasar Cecilssonar

core/paragraph

Rótarýhreyfingin tók þátt í að skipuleggja plokk viðburði hjá nokkrum Rótarýklúbbum á landinu í fyrra sem þóttist takast mjög vel og var í kjölfarið ákveðið að gera daginn að lykil umhverfisverkefni starfsárs hreyfingarinnar til ársins 2026. Í mars sl. var undirritaður samstarfssamningur til þriggja ára um verkefnið við Umhverfis,- orku- og loftslagsráðuneytið og Landsvirkjun. Stóri plokkdagurinn var fyrst haldinn að frumkvæði og undir stjórn Einars Bárðarsonar árið 2018, en hann er félagi í Rótarý.

Allir geta nýtt daginn til góðs

Landsvirkjun og ráðuneytið hafa frá upphafi stutt Stóra plokkdaginn, en með samstarfssamningnum hefur honum verið tryggt bakland til næstu þriggja ára. Með aðkomu Rótarý hreyfingarinnar verður til heildarskipulag yfir verkefnið á landsvísu og eru sveitarfélög þegar farin að skipuleggja aðgerðir á Stóra plokkdaginn. Á heimasíðu Rótarý á Íslandi er tekið fram að allir geti komið að verkefninu; fyrirtæki, stofnanir, félagasamtök og einstaklingar geti öll skipulagt viðburði og kynnt þá undir merkjum Stóra plokkdagsins sem verður sunnudaginn 28. apríl næstkomandi.

Gamalt orð með nýja merkingu

Til gamans má geta þess að sagnorðið að plokka var valið af Árnastofnun sem orð ársins árið 2018. Í röksemd stofnunarinnar var tekið fram að orðið félli vel að öllum viðmiðum hennar. Nefnt var að um gamalt orð væri að ræða sem fengið hefði nýja merkingu en væri um leið tökuorð úr erlendu máli. Þeir sem plokkuðu tíndu upp rusl meðan skokkað væri eða gengið og þannig sameinaði fólk áhuga á umhverfisvernd og heilsusamlegu líferni. Plokka er sem sagt gamalt orð sem notað hefur verið í ýmsu samhengi. Oftast hefur það merkinguna ‚reyta‘, t.d. fiður, augabrúnir eða jafnvel peninga af öðrum. Það getur einnig merkt að hreinsa eitthvað úr einhverju og áhugamenn um tónlist þekkja margir strengjaplokk. Ný merking orðsins fellur því vel að eldri merkingu og rímar þar að auki við skokkið sem margir plokkarar stunda.

Fréttaveita Vesturlands

Stóri plokkdagurinn verður sunnudaginn 28. apríl