medium

large

thumbnail

1536x1536

2048x2048

small

custom-size

„Við eigum klárlega heima í Lengjudeildinni“

Til hamingju með daginn!

Birna Ágústsdóttir sett sýslumaður á Vesturlandi

Drífa með gull og silfur á Íslandsmótinu

Sveitarfélagið Stykkishólmur gert upp með 40 milljóna króna tapi 2023

Ráðningarráð tekur til starfa hjá Akraneskaupstað

core/paragraph

Um páskahátíðina var haldið Evrópumót unglinga í keilu, EYC, í Helsinki í Finnlandi. Keilufélag Akraness átti tvo keppendur sem stóðu sig með prýði.

Matthías Leó Sigurðsson, ÍA, endaði í einstaklingskeppninni í 67. sæti af 100. Einnig keppti hann ásamt Ásgeiri Karli Gústafssyni úr KFR í tvímenningi og lentu þeir í 22. sæti af 49. Í liðakeppninni var staðan sú að drengina vantaði aðeins 28 pinna til að komast í úrslitakeppnina. Þeir voru grátlega nærri og unnu sig úr tíunda sæti frá fyrri deginum upp í það fimmta á þeim seinni og sýndu ótrúlega góða spilamennsku. 16 efstu komust áfram í Masterskeppnina og Mikael Aron Vilhelmsson var í 16. sæti en vann sínar fyrstu tvær viðureignir og komst áfram í úrslitin þar sem að hann endaði í 3. til 4. sæti.

Særós Erla Jóhönnudóttir úr ÍA keppti í einstaklingskeppninni og endaði í 26. sæti af 68 stúlkum. Í tvímenningi keppti hún ásamt Báru Líf Gunnarsdóttur úr ÍR og enduðu þær í 31. sæti af 33 en slógu samt persónuleg met og settu Íslandsmet í sínum aldursflokkum. Særós sló Íslandsmet í fimm leikjum með 959 og í sex leikjum með 1139 sem er frábær spilamennska. Bára sló þrjú íslandsmet, í þremur leikjum 553 pinnar, í fjórum leikjum 707 pinnar og í fimm leikjum 867pinnar. Í liðakeppninni enduðu íslensku stelpurnar í 12. sæti af 14 og þar var Særós með hæsta meðaltalið af íslensku stelpunum en jöfn Oliviu Clöru Lindén sem býr og æfir í Svíþjóð. Í All Event endaði Særós í 55. sæti af 68 keppendum.

core/image

Særós gerði góða hluti á Evrópumótinu.

Fréttaveita Vesturlands

Matthías Leó og Særós stóðu sig vel á Evrópumótinu í keilu