medium

large

thumbnail

1536x1536

2048x2048

small

custom-size

Byrjaði tólf ára á grásleppuveiðum

Alltaf með gítar um borð

Vorboðinn ljúfi mættur til starfa

Stofnmæling helstu botnfisktegunda

Endurbætur á miðálmu grunnskólans í Borgarnesi

Fjölskylda Soffa styrkir skíðafélagið í tilefni tímamótanna

core/paragraph

„Leit að jafnvægi milli verndar og nýtingar“ var yfirskrift þriggja upplýsinga- og umræðufunda sem haldnir voru að undanförnu vegna verkefnis um framtíð Breiðafjarðar. Þriðji og síðasti fundurinn var haldinn á Birkimel á Barðaströnd þriðjudaginn 26. mars, en áður voru sambærilegir fundir haldnir að Laugum í Sælingsdal og í Stykkishólmi. Samtök sveitarfélaga á Vesturlandi (SSV) greina frá þessu.

Að verkefninu stóðu Fjórðungssamband Vestfirðinga og SSV fyrir hönd stýrihóps sem fékk það verkefni að gera svokallaða forsendugreiningu fyrir verndun Breiðafjarðar með tilliti til byggðaþróunar og sjálfbærrar nýtingar.

Á fundunum var sagt frá stöðugreiningu sem sýnir hvað Breiðafjörðurinn er einstakur, sama hvert litið er. Var hún m.a. um hagrænt virði Breiðafjarðar og sviðsmyndgreiningu, þar sem horft var til ársins 2040. Ein sviðsmyndanna fékk heitið „Breiðfirskir straumar.“ Hún vísar til þess að með áherslu á verndun og fjölbreytt atvinnulíf verði staða&nbsp; Breiðafjarðar sterk. Það verði að veruleika með öflugu rannsóknarstarfi sem styrkt er af yfirvöldum; langtímahugsun í allri uppbyggingu og áherslum á sjálfbærni.

Markmið fundanna var að kynna íbúum og hagaðilum greiningarnar og fá viðbrögð við drög að tillögum sem stýrihópurinn mun síðan afhenda umhverfis-, orku- og loftslagsráðherra.

Samtals mættu um 90 manns á fundina þrjá og var greinilegt að fólk kunni að meta það að vera boðið til umræðu um heimasvæði sitt og framtíðina. Þátttakendur rýndu tillögurnar í litlum hópum og höfðu líka frelsi til að ræða annað sem þeir töldu mikilvægt til að ná jafnvægi milli verndar og nýtingar á Breiðafjarðarsvæðinu.

Sagt verður nánar frá skilaboðum íbúa í apríl, þegar búið verður að vinna úr afrakstri fundanna.