medium

large

thumbnail

1536x1536

2048x2048

small

custom-size

Bylting að hafa tvær rúllur á einu kefli

Grunur um listeríu í brauðskinku

Bergur sýndi þolraun þegar hann safnaði fyrir Píeta-samtökin

Vorhátíð nemenda í hestamennsku haldin á Mið Fossum

Talsverður sinueldur í Mávahlíð í Borgarfirði – uppfært

Halló-Ringó ´24 á Akureyri

core/heading

<h2>Framtíð Breiðafjarðar, grásleppa og strandveiðar meðal ályktana</h2>

core/paragraph

Bátafélagið Ægir í Stykkishólmi hélt aðalfund sinn á miðvikudaginn í dymbilvikunni. Í tilkynningu frá félaginu kemur fram að þetta sé eitt elsta smábátafélag landsins og hafi frá upphafi haft hagsmuni smábátaeiganda að leiðarljósi og barist fyrir þeim. Þau baráttumál hafa í gegnum tíðina verið mörg og æði misjöfn. Þröstur Ingi Auðunsson, formaður Ægis, segir í stuttu spjalli við Skessuhorn að stöðugt þurfi félag eins og þeirra að berjast fyrir hagsmunum sínum og stundum fyrir daufum eyrum ráðamanna.

„Meðal okkar vandamála hér í Stykkishólmi má segja að grásleppuvertíð og strandveiðitímabilið skarast. „Hér á Breiðafirði má ekki byrja grásleppuveiðar fyrr en strandveiðar eru hafnar. Af þeim sökum erum við nokkrir sem gerum út tvo báta til að geta nýtt réttindi okkar og þau tækifæri sem í boði eru,“ segir Þröstur, en sjálfur gerir hann út bátana Stínu SH-91 og Írisi SH-180. Aðspurður segir hann að Bátafélagið Ægir styðji fram komið frumvarp atvinnuveganefndar um veiðistjórn grásleppu, mál 521. „Við grásleppusjómenn erum vissulega stétt í varnarbaráttu og því er mikilvægt fyrir okkur að fá aukinn fyrirsjáanleika í greinina. Annað er hins vegar uppi á teningnum þegar strandveiðar eru annars vegar. Ennþá hefur engin reglugerð verið gefin út um fyrirkomulag strandveiða fyrir sumarið og mótmælum við því harðlega,“ segir Þröstur og bendir á að síðasta vor hafi reglugerðin verið gefin út 26. apríl og veiðarnar síðan hafist tæpri viku síðar. „Það sjá allir að þetta er of stuttur fyrirvari,“ segir hann.

core/image

<div class="wp-block-image is-style-default"><figure class="aligncenter size-full"><img src="https://umsjon.skessuhorn.is/wp-content/uploads/2024/04/Batafelagid-AEgir-sendir-fra-ser-alyktanir.jpg" alt="" class="wp-image-76498" /><figcaption>Þröstur Ingi Auðunsson á veiðum. Ljósm. aðsend</figcaption></figure></div>

Á aðalfundi Bátafélagsins Ægis í liðinni viku voru nokkrar ályktanir samþykktar. Auk ályktunar um grásleppu frumvarpið var ályktað um strandveiðar:

„Bátafélagið Ægir styður fyrirkomulag strandveiða eins og það er í dag, fjóra daga í viku, allt að 12 róðrardagar í mánuði í fjóra mánuði (maí-ágúst) og skorar á ráðherra að tryggja að aflaheimildir dugi til að strandveiðisjómenn fái að stunda sína atvinnu út ágústmánuð. Bátafélagið Ægir vill einnig benda ráðherra á að herða reglur um eignarhald á strandveiðibátum þannig að hver kennitala eigi eingöngu aðild að einum strandveiðibáti. Einnig að aðeins eigandi rói sínum bát. Það er alltaf að færast meira og meira í vöxt að menn láti róa fyrir sig og sumir gera út tvo til þrjá báta á strandveiðar. Bátafélagið Ægir telur að skoða megi hugmyndir um að leggja af svæðisskiptingu á strandveiðum þannig að landið allt yrði eitt svæði.“

Á fundinum samþykkti félagið einnig áskorun þess efnis að skora á ráðherra að leyfa löndun á hvítlúðu sem meðafla.

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2024/04/Batafelagid-AEgir-sendir-fra-ser-alyktanir_3-1200x931.jpg" alt="" class="wp-image-76499" /><figcaption>Brugðið á leik með væna grásleppu. Ljósm. úr safni/sá</figcaption></figure>

Framtíð Breiðafjarðar

„Bátafélagið Ægir lýsir áhyggjum sínum af þeirri vegferð sem stjórnvöld virðast vera á með friðlýsingum Breiðafjarðar án sýnilegs rökstuðnings eða greiningar á kostum og göllum. Bátafélagið Ægir leggur þunga áherslu á að ekki sé gengið lengra í verndun auðlinda og lýsir megnri andstöðu við friðanir til þess eins að friða, til dæmis á grundvelli hugsjóna einstakra einstaklinga í stjórnkerfinu eða hagsmunafla í náttúruvernd, án tillits til byggða- og atvinnusjónarmiða eða vísindalegra forsendna.

Bátafélagið Ægir fagnar því að tillögur Breiðafjarðarnefndar um friðlýsingu fjarðarins hafa ekki náð fram að ganga og þær virðast hafa verið settar til hliðar, enda báru þær allar með sér að verið væri að ganga lengra en nauðsyn bæri. Félagið bendir á í því sambandi að engar rannsóknir né upplýsingar um ástand nytjastofna við Breiðafjörð kölluðu á slíka friðlýsingarvegferð sem nefndin var á. Bátafélagið Ægir bendir á að sjálfbær nýting auðlinda er ein meginuppspretta verðmætasköpunar og atvinnuuppbyggingar við Breiðafjörðinn. Fjöllbreytt atvinnustarfsemi við Breiðafjörð nýtir sjávarauðlindir í og við strendur Breiðafjarðar. Þar vega þyngst sjávarútvegsfyrirtæki sem vinna afurðir úr bolfisk. Einnig má nefna að grásleppuveiðar í innanverðum Breiðarfirði hafa verið þær umfangsmestu á Íslandi. Á svæðinu eru starfandi fyrirtæki sem vinna afurðir úr ýmsum tegundum; ígulkerjum, hörpuskel, þörungum, bláskel, kuðungum og fleiri sjávardýrum. &nbsp;Bátafélagið Ægir telur nauðsynlegt að jafnvægi sé á milli atvinnulífs og verndunar þannig að atvinnustarfsemi og umgengni um Breiðafjörð sé grundvöllur að sjálfbærri auðlindanýtingu. Í stað órökstuddrar vegferðar friðlýsinga á undanförnum árum vill Bátafélagið Ægir hvetja núverandi stjórnvöld til þess að taka sér stöðu með og styðja við núverandi atvinnulíf við Breiðafjörð og þeim fjölmörgu nýsköpunarmöguleikum sem þar eru fyrir hendi á grundvelli sjálfbærrar nýtingar og þar með taka sér stöðu með lífríki og auðlindum Breiðafjarðar og framtíð komandi kynslóða við Breiðafjörð.“

Loks ályktaði félagið um öryggismál: „Bátafélagið Ægir skorar á Stykkishólmshöfn að setja viðeigandi læst hlið á flotbryggjur til að koma í veg fyrir óviðkomandi umferð og minnka slysahættu á bryggjunum.“

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2024/04/Batafelagid-AEgir-sendir-fra-ser-alyktanir_4-1200x800.jpg" alt="" class="wp-image-76500" /><figcaption>Valli sveiflar einum gulum. Ljósm. úr safni/sá</figcaption></figure>

Fréttaveita Vesturlands

Bátafélagið Ægir sendir frá sér áskoranir