medium

large

thumbnail

1536x1536

small

custom-size

Kálfafjós í byggingu á Litla Kroppi

Þema ljósmyndasamkeppni er gleði

2048x2048

Bæjarsjóður Akraneskaupstaðar gerður upp með 319 milljóna króna hagnaði

Gleðilegt sumar!

Grásleppusjómenn fagna lengingu veiðitímabilsins – myndasyrpa

Hlynur Blær gefur bílum nýjan blæ

core/paragraph

Next Golf Tour er ný mótaröð sem býður upp á fjölbreyttari keppnismöguleika fyrir kylfinga um allan heim. Það er eingöngu hægt að spila mótin í Trackman - innigolfhermi, enda er mótaröðin búin til af því fyrirtæki. Atvinnukylfingurinn Bjarki Pétursson tekur þátt í þessari mótaröð og náði blaðamaður stuttu spjalli við Bjarka um mótaröðina.

„Þetta fer þannig fram að keppendur þurfa að skrá sig í mótin og komast þúsund keppendur að á hverju móti. Mótaröðin dregur að marga mjög sterka kylfinga á heimsvísu vegna stórra tekjumöguleika sem hún býður upp á, en sigurvegarinn fær 5-7 milljónir króna í sinn hlut. Þetta er annað árið sem mótaröðin er spiluð og má segja að þetta sé lang sterkasta mótaröðin í heiminum sem er spiluð á þennan máta,“ segir Bjarki.

En hvaða þýðingu hefur svona mótaröð fyrir kylfinga? „Þessi mótaröð hefur gífurlega mikla þýðingu fyrir mig sem og marga aðra kylfinga því þetta gefur okkur tekjumöguleika yfir 2-3 mánuði á ári þar sem keppnistímabilið er ekki í gangi.“ Gengi Bjarka á mótaröðinni hefur verið gott en hann endaði síðasta tímabil í 10. sæti á peningalistanum af tæplega 1500 kylfingum sem skráðir voru á peningalista í lok síðasta árs.

„Ég spilaði mína hringi í frábærri aðstöðu hjá Bönkernum á Akranesi. Ég fékk dyggan stuðning og skilning þegar ég var að æfa og spila í þeirri aðstöðu og ég mæli með að allir kíki þangað og kynni sér þessa flottu aðstöðu sem þar er komin. Í lokin langar mig að þakka styrktaraðilum mínum fyrir ómetanlegan stuðning í gegnum árin. Án þeirra væri ekki framkvæmanlegt að vera atvinnumaður í golfi,“ segir atvinnukylfingurinn Bjarki Pétursson.

Fréttaveita Vesturlands

Bjarki tekur þátt í Next Golf Tour mótaröð