medium

large

thumbnail

1536x1536

2048x2048

small

custom-size

Vinnuslys á Snæfellsnesi

Umferð jókst á öllu landinu í janúar

Blóði safnað á Akranesi í dag

Börnin bjarga í Grundarfirði

Kraftmikið klassískt rokk í Bíóhöllinni

Srdan hetja ÍA gegn Snæfelli

core/paragraph

Á fundi bæjarstjórnar Akraness í gær kom fram að skipa þarf nýjan varamann Sjálfstæðisflokksins í bæjarstjórn í stað Sigríðar Elínar Sigurðardóttur sem flutt hefur úr sveitarfélaginu. Sigríður Elín er varamaður í skóla- og frístundaráði og var lagt til að Ragnheiður Helgadóttir yrði varamaður í hennar stað og var það samþykkt.

Anna María Þráinsdóttir afþakkaði að vera varabæjarfulltrúi Sjálfstæðisflokksins í bæjarstjórn vegna starfa sinna á skipulags- og umhverfissviði og er því næsti maður á lista varamaður. Fyrsti varabæjarfulltrúi Sjálfstæðisflokksins verður því í stað Sigríðar, Þórður Guðjónsson, næst Ragnheiður Helgadóttir og þar næst Einar Örn Guðnason.

Nýtt kjörbréf verður gefið út til handa varabæjarfulltrúanum Einari Erni Guðnasyni af yfirkjörstjórn Akraneskaupstaðar í samræmi við niðurstöðu sveitarstjórnarkosninganna 14. maí 2022 en Einar Örn skipaði 8. sæti á lista framboðs Sjálfstæðisflokksins (D) en framboðið fékk þrjá kjörna bæjarfulltrúa.

Ljóst er að Þórður Guðjónsson mun taka sæti í bæjarstjórn á næstunni í ljósi þess að Líf Lárusdóttir oddviti Sjálfstæðisflokksins í bæjarstjórn á von á barni í byrjun maí.

Fréttaveita Vesturlands

Þórður Guðjónsson fyrsti varabæjarfulltrúi Sjálfstæðisflokksins