medium

large

thumbnail

1536x1536

2048x2048

small

custom-size

Halló-Ringó ´24 á Akureyri

Afhentu bæjarstjóra undirskriftalista

Menningarferð FaB um Lundarreykjadal

Valentin vann gull á Mjölni Open fimmta árið í röð

Fjölgað í húsvarðateymi sveitarfélagsins

Ólafsvíkurvöllur og Skallagrímsvöllur á lista topp tíu valla landsins

core/paragraph

Á fundi bæjarráðs Grundarfjarðarbæjar föstudaginn 22. mars voru sorpmál á dagskrá fundarins. Eftir yfirferð og úrvinnslu tilboða í útboði sorpþjónustu hjá Grundarfjarðarbæ og Snæfellsbæ í desember/janúar sl. var öllum tilboðum hafnað, sbr. fund bæjarstjórnar 16. febrúar sl.

Nýtt hraðútboð var sett af stað, þar sem sama útboð var endurtekið með örlítið breyttum forsendum og styttri útboðsfresti en í fyrra skiptið. Möguleiki var gefinn á að samið yrði við sitt hvorn bjóðandann í sveitarfélögunum tveimur.

Þann 15. mars sl. voru tilboð opnuð í hraðútboðinu og var opnunarskýrsla Ríkiskaupa lögð fram á fundinum. Ríkiskaup munu á næstu dögum senda út val tilboðs þar sem tilkynnt er að til standi að taka tilgreindum tilboðum og er það undanfari samningsgerðar.

Bæjarstjóri fór yfir niðurstöðutölur í tilboðunum. Þar kom fram að alls bárust þrjú tilboð í sorpþjónustu hjá Grundarfjarðarbæ og voru þau eftirfarandi: Íslenska gámafélagið 265 milljónir króna, Kubbur ehf. 292,5 milljónir króna og Terra hf. 511 milljónir króna tæpar. Uppgefin verð eru með vsk miðað við sex ár og var kostnaðaráætlun Grundarfjarðarbæjar 257 milljónir rúmar.

Lagt var til að gengið yrði til samninga við lægstbjóðanda í sorpþjónustu í Grundarfirði og bæjarstjóra falið að ganga frá samningi að loknu útboðsferli Ríkiskaupa. Bæjarráð samþykkti að gengið yrði til samninga við lægstbjóðanda og fól bæjarstjóra að ganga frá samningi.

Fram kemur í fundargerð bæjarráðs Grundarfjarðar að Kubbur ehf. hafi átt lægsta tilboðið í sorphirðu í Snæfellsbæ, eða 463.958.341 króna. Var það tilboð tæpum 100 milljónum lægra en næstlægsta tilboð sem var frá Íslenska gámafélaginu. Hæsta tilboðið var frá Terra og var tæpar 785 milljónir. Kostnaðaráætlun Snæfellsbæjar var tæpar 428 milljónir króna.

Fréttaveita Vesturlands

Íslenska gámafélagið lægst í útboði sorpþjónustu í Grundarfirði