medium

large

thumbnail

1536x1536

2048x2048

small

custom-size

Afhentu bæjarstjóra undirskriftalista

Menningarferð FaB um Lundarreykjadal

Valentin vann gull á Mjölni Open fimmta árið í röð

Fjölgað í húsvarðateymi sveitarfélagsins

Ólafsvíkurvöllur og Skallagrímsvöllur á lista topp tíu valla landsins

Tólf skiluðu inn framboðum til forseta

core/paragraph

Helga Þórisdóttir, sem gegnt hefur starfi forstjóra Persónuverndar undanfarin rúm átta ár, tilkynnti á blaðamannafundi fyrr í dag að hún ætlar að bjóða sig fram til embættis forseta Íslands. „Mín áhersluatriði sem forseti eru fyrst og fremst að vera þjónn fólksins í landinu – og vera fremst í flokki við að styðja við alla landsmenn. Jafnframt að vera málsvari þess íslenska drifkrafts, sem gerir okkur að þeirri sterku þjóð sem við erum, á eldfjallaeyjunni okkar nyrst í Atlantshafi,“ sagði Helga.

Í tilkynningu kemur fram að Helga leggur áherslu á að styðja við fræðasamfélagið, menninguna og atvinnulífið, sem og hina gróskumiklu nýsköpun og sköpunarkraft íslenskrar þjóðar. Hún vill jafnframt vera rödd þjóðarinnar á heimsvísu, á tímum breyttrar heimsmyndar, og umfram allt, sýna þekkingu, yfirvegun og áreiðanleika, fyrir íslenska þjóð.

„Sem forstjóri Persónuverndar í rúm átta ár, þá hef ég stýrt mikilvægri ríkisstofnun, stundum í ólgusjó, en alltaf af þeirri fagmennsku, festu og heiðarleika, sem verkefnið hefur kallað á. Á þeirri vegferð hef ég sýnt fram á að ég er óhrædd við að taka erfiðar ákvarðanir. Ég er alin upp með virðingu fyrir grunngildum íslenskrar þjóðar. Ég þekki menningu okkar, tungu og sögu – auk þess að hafa sérþekkingu á mikilvægi þess að standa vörð um réttindi einstaklinga á tækniöld,“ sagði Helga einnig.

Helga Þórisdóttir býður sig fram til forseta