medium

large

thumbnail

1536x1536

2048x2048

small

custom-size

Halló-Ringó ´24 á Akureyri

Afhentu bæjarstjóra undirskriftalista

Menningarferð FaB um Lundarreykjadal

Valentin vann gull á Mjölni Open fimmta árið í röð

Fjölgað í húsvarðateymi sveitarfélagsins

Ólafsvíkurvöllur og Skallagrímsvöllur á lista topp tíu valla landsins

core/paragraph

Ísbúðin Frystihúsið við Akratorg á Akranesi hefur nú farið í gegnum endurbætur og framkvæmdir frá því í desember, en verður enduropnað um páskana. Auk íssölu verður nú aukin áhersla lögð á sölu á kaffi og öðrum veitingum, því Costa kaffi verður hluti af rekstrinum. Kaffiunnendur geta því glaðst. Freyr Líndal Sævarsson er nýr rekstraraðili og meðeigandi í Frystihúsinu og Costa kaffi, en hann hefur 13 ára reynslu úr kaffigeiranum. Freyr býr nú á Akranesi ásamt fjölskyldu sinni.

„Þetta verður áfram ísbúð eins og verið hefur en við munum leggja aukna áherslu á kaffi og með því. Hægt verður að tylla sér niður hér inni en einnig verður hægt að sitja úti þegar veður leyfir og njóta umhverfisins og lífga upp á Akratorg. Síðan er það einnig í ferli að sækja um vínveitingaleyfi,“ segir Freyr í samtali við Skessuhorn. Vörumerkið Costa Coffee er stærst í Evrópu og næststærsta kaffivörumerki í heimi á eftir Starbucks. Margir Íslendingar ættu að þekkja Costa kaffið og Costa kaffihúsin af ferðalögum um Evrópu, en Costa kaffi hefur náð miklum vinsældum og útbreiðslu í Evrópu á undanförnum árum og er nú loks komið hingað til lands. Costa kaffið er sérvalið gæða kaffi að uppskrift ítölsku bræðranna Sergio og Bruno Costa sem sáu ástæðu til að bæta kaffimenninguna á Englandi fyrir um hálfri öld. Freyr Líndal lofaði blaðamanni að láta Costa kaffi leika við bragðlaukana og færði honum kaffidrykk sem hann nefnir Langasand. Vissulega ilmandi og góður drykkur.

Sérstök opnunarhátíð verður í Frystihúsinu kl. 18-22 á skírdag. Á milli kl. 18:00 og 20:00 verður frír ís í boði fyrir börnin og fisléttar veitingar fyrir fullorðna, á meðan birgðir endast. Á laugardaginn hefst síðan reglubundin opnun Frystihússins sem verður klukkan 11 til 23 (lokað verður á páskadag).

core/image

Frystihúsið enduropnað og nú Costa kaffibar að auki – Opnunarhátíð á skírdag