medium

large

thumbnail

1536x1536

2048x2048

small

custom-size

Afhentu bæjarstjóra undirskriftalista

Menningarferð FaB um Lundarreykjadal

Valentin vann gull á Mjölni Open fimmta árið í röð

Fjölgað í húsvarðateymi sveitarfélagsins

Ólafsvíkurvöllur og Skallagrímsvöllur á lista topp tíu valla landsins

Tólf skiluðu inn framboðum til forseta

core/paragraph

Borgnesingurinn Bjarni Freyr Gunnarsson er þessa dagana að æfa fyrir söngleikinn Bugsy Malone, en verkið verður frumsýnt í Þjóðleikhúsinu fimmtudaginn 4. apríl. Blaðamaður Skessuhorns hitti Bjarna á Kaffi Kyrrð í Borgarnesi og spjallaði stuttlega við hann. „Við erum búin að vera að æfa mikið síðustu vikur og nú tekur við mikil æfingatörn, þar sem æfingar munu hefjast klukkan tíu á morgnana og ljúka klukkan 22 á kvöldin með rennsli, en svo er ég á næturvöktum á Olís í Borgarnesi en það hefur sloppið hingað til, með vaktir og annað. Ég býst við að verða frekar þreyttur í vinnunni næstu viku en það fylgir þessu,“ segir Bjarni.

core/image

<figure class="wp-block-image size-full is-style-default"><img src="https://umsjon.skessuhorn.is/wp-content/uploads/2024/03/AEfir-Bugsy-Malone_2.jpg" alt="" class="wp-image-76400" /><figcaption>Bjarni á æfingu.</figcaption></figure>

Söngleikjadeild Söngskólans í Reykjavík

Afgreiðsludama kemur að borðinu okkar á Kaffi kyrrð og tekur niður pöntun en spjall okkar heldur áfram um námið fyrir sunnan. „Ég er búinn að vera í þrjú ár í Söngskólanum í Reykjavík en síðasta haust hófst söngleikjadeild í Söngskólanum, í tilefni af 50 ára afmæli skólans. Þar eru Garðar Thor Cortes og Valgerður Guðrún Guðnadóttir deildarstjórar og sjá þau um söngleikjadeildina. Námið er mjög skemmtilegt og vorum við fyrst um sinn að kynnast, komast út úr skelinni, syngja saman og slíkt. Allt í allt erum við 17 nemendur sem eru nú við söngleikjadeildina og við vorum þá að syngja það sem okkur langaði og þannig komumst við úr skelinni góðu. En við fengum svo að vita að við værum að fara að setja upp Bugsy Malone eftir áramót og í byrjun febrúar fengum við hlutverkin okkar. Ég er með fjögur mismunandi hlutverki í sýningunni og hafa æfingar gengið mjög vel hingað til,“ segir Bjarni.

En hvernig líta þá páskarnir út hjá Bjarna? „Það verður mikið dansað og sungið. Ég var að klára sex tíma dansæfingu í gær og svo verður þetta mikið af söng,“ sagði kappinn en þess skal getið að viðtalið fór fram nú í dymbilvikunni. „Við komumst inn í Þjóðleikhúsið í síðustu viku og verðum þar núna daglega. Æfingar yfir daginn, kvöldmatur og svo rennsli um kvöldið. Frumsýning verður 4. apríl en það er uppselt á hana og uppselt á sýningu 5. apríl en það verður aukasýning 6. apríl. Eftir sýningarnar tekur við skóli og svo loks prófatíð í maí mánuði,“ segir Bjarni.

<figure class="wp-block-image size-large is-resized is-style-default"><img src="https://umsjon.skessuhorn.is/wp-content/uploads/2024/03/AEfir-Bugsy-Malone_3-1200x900.jpg" alt="" class="wp-image-76401" width="840" height="630" /><figcaption>Glatt á hjalla hjá söngleikjadeildinni eftir rennsli.</figcaption></figure>

Áhugi á söng frá unga aldri

Forvitni blaðamanns kallar á spurningu um æsku Bjarna og áhuga hans á söng. „Ég hef alltaf verið syngjandi. Ég tók þátt í flest öllum söngvakeppnum sem voru í boði í Borgarnesi, hvort sem það var í grunnskóla eða menntaskóla. Ég tók þátt í uppsetningum á leikritum í grunnskóla og menntaskóla og var formaður leikdeildar á sínum tíma í Menntaskóla Borgarfjarðar en hún lagðist því miður niður þegar ég var í skólanum. Ég tók þátt í uppsetningu leikdeildar Skallagríms, sem sýndi á síðasta ári „Slá í Gegn“ og var í Tónlistarskóla Borgarfjarðar en ég lagði mig ekki 100% í námið fyrr en fyrir um þremur árum síðan. Ég var byrjaður í söngnámi en hætti. Var búinn að byrja í gítarnámi en hætti því sömuleiðis. Ég elti svo kennarann minn, hana Sigríði Ástu Olgeirsdóttur, suður til Reykjavíkur. Söngnámið er átta stig og er ég á 6. stigi sem er í framhaldsdeildar flokknum og á ég því eitt og hálft ár eftir í skólanum.“ En er Bjarni farinn að huga að framhaldsnámi? „Ég er með alla valmöguleika opna en ekki búinn að ákveða neitt. Það er hægt að læra söng í hverju landi, með mismunandi stíl. Söngskólinn í Reykjavík er klassískur en það væri skemmtilegt að prufa annan stíl af söng í öðru landi,“ segir Bjarni þegar hann tekur þriðja sopann af koffínlausa kaffinu.

Áhugi og metnaður í Borgarbyggð

Áður en blaðamaður lítur úr kaffibollanum er spurt út í uppsetningar á leikritum, söngleikjum og sýningum sem sýndar hafa verið í Borgarbyggð á síðustu vikum. „Það er gríðarlega sterkur og flottur hópur í menntaskólanum sem er mjög áhugasamur, en svo eru leiksýningar hjá grunnskólum sem hafa verið að leggja mikinn metnað í uppsetningar. Tónlistarskólinn hefur verið að vinna mjög góða vinnu í því að virkja unga fólkið í ýmsum uppfærslum. Einnig eru leiksýningar víða í sveitarfélaginu sem reyndar eru á sama tíma, margar hverjar. Ég væri til í að sjá þessu dreift yfir árið þannig að það skarist ekki mikið og fólk geti notið þess að fara, sjá og upplifa menningu í Borgarbyggð,“ segir Bjarni að lokum.

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2024/03/AEfir-Bugsy-Malone_4-1200x932.jpg" alt="" class="wp-image-76402" /><figcaption>Á æfingu í söngleikjadeildinni.</figcaption></figure>

Fréttaveita Vesturlands

Æfir Bugsy Malone í Þjóðleikhúsinu og er á næturvöktum í Olís