medium

large

thumbnail

1536x1536

2048x2048

small

custom-size

Flest mál ríkisstjórnarinnar önnur en veiðigjald falla dauð

Veisla í Leirársveitinni – en svaf út síðasta morguninn

Spá miklum hlýindum nú í byrjun vikunnar

Drógu vélarvana Dettifoss í höfn

Sturluhátíð haldin í Dölum í dag

„Meirihlutinn á alltaf að ráða för“ segir bæjarstjóri Snæfellsbæjar

core/paragraph

Bílaumboðið Askja mun í byrjun apríl opna sölu- og þjónustuumboð á Innnesvegi 1 á Akranesi. Viktor Elvar Viktorsson hefur verið ráðinn rekstrarstjóri Öskju á Vesturlandi. Þar verður sala nýrra og notaðra bíla ásamt einfaldri verkstæðis- og hjólbarðaþjónustu. Húsið er vel þekkt þar sem Bílver rak þar sölu- og þjónustuumboð fyrir Honda um árabil og bifreiðaverkstæði. Bílveri var lokað á síðasta ári og Löður keypti húsnæðið, en Askja leigir nú af Löðri. Á Innnesvegi 1 verður sala og þjónusta fyrir öll vörumerki Öskju sem í dag eru Mercedes Benz, Kia, Honda og Smart, ásamt sölu á notuðum bílum. Hjólbarðaþjónustan verður á vegum Dekkjahallarinnar en bæði fyrirtæki eru í eigu Vekra.

„Íbúar á Vesturlandi eru stór viðskiptavinahópur Öskju og hafa verið undanfarin ár. Við viljum auka þjónustu við þá með opnun á aðstöðu okkar á Akranesi og þannig viljum við færast nær íbúum og fyrirtækjum á Vesturlandi. Við lítum á þetta sem fyrsta skref í að koma okkur fyrir á svæðinu og sjáum fyrir okkur að vaxa enn frekar á svæðinu í framtíðinni.&nbsp; Samningur um Bílvershúsið er tímabundinn og verður þjónustan einföld til að byrja með.&nbsp; Við ætlum að móta starfsemina smám saman og gerum ráð fyrir þvi að hún vaxi og starfsmönnum fjölgi, enda vilja Skagamenn og íbúar Vesturlands geta sótt sína þjónustu í nærumhverfi sínu,“ segir Jón Trausti Ólafsson framkvæmdastjóri Öskju sem einnig stýrir móðurfélaginu Vekru.

core/image

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2024/03/Askja-opnar-bratt-solu_2NOTA-1200x1027.jpg" alt="" class="wp-image-76173"/><figcaption>Viktor Elvar Viktorsson rekstrarstjóri.</figcaption></figure>

Viktor Elvar stýrir starfseminni

Viktor Elvar Viktorsson hefur verið ráðinn rekstrarstjóri Öskju á Vesturlandi. Viktor er kerfis- og tölvunarfræðingur og hefur starfað hjá VR undanfarin 20 ár. Hann er Skagamaður í húð og hár og mörgum kunnugur, m.a. annars fyrir störf sín fyrir íþróttahreyfinguna á Akranesi. „Ég lít á þetta sem frábært tækifæri að taka þátt í spennandi verkefni með öflugu fyrirtæki. Vörumerki Öskju hafa verið áberandi á svæðinu og ég hlakka til að taka á móti eigendum þessara bíla og öllum þeim nýju viðskiptavinum sem við munum vonandi eignast í framtíðinni. Fyrst um sinn munum við sinna sölu nýrra og notaðra bíla, þjónustan mun svo byggjast upp og við munum jafnt og þétt bæta við okkur góðum starfsmönnum,“ segir Viktor.

Bílaumboðið Askja var stofnað árið 2005 og hefur verið meðal stærstu bílaumboða landsins síðastliðin ár. Félagið er í eigu Vekra ehf sem jafnframt er eigandi Dekkjahallarinnar, Sleggjunnar sem sinnir þjónustu og sölu á vöru- og hópferðabílum Mercedes-Benz, bílaleigunnar Lotus og Hentar. Starfsmenn samstæðunnar eru um 250 talsins. Askja vinnur samkvæmt Iso umhverfis- og gæðavottun og hlaut nýlega verðlaun frá nemastofu atvinnulífsis sem fyrirmyndarfyrirtæki í móttöku nýnema.

Fréttaveita Vesturlands

Askja opnar brátt sölu- og þjónustuumboð á Akranesi