Fyrstu fermingarnar á Akranesi í ár verða um næstu helgi, laugardag og sunnudag. Í Akraneskirkju eru þetta alls fimm fermingardagar, tvær helgar þar sem fermt er bæði laugardag og sunnudag fyrir og eftir páska og svo er fermt á Hvítasunnudag, 19. maí. Þá fermast ellefu börn í kirkjunni og er þetta í fyrsta sinn sem er boðið upp á fermingu á þessum tíma í Akraneskirkju. Þrír fermingardagar eru í Hvalfjarðarsveit, fermt er í Saurbæ á skírdag, svo annan sunnudag eftir páska í Leirárkirkju og á Hvítasunnudag í Innri-Hólmskirkju.