102. sambandsþing UMSB var haldið á Hvanneyri 13. mars síðastliðinn. Gestir ávörpuðu fundargesti, en Ómar Bragi Stefánsson framkvæmdastjóri móta UMFÍ, flutti ávarp um unglingalandsmótið sem fer fram í Borgarnesi um verslunarmannahelgina í ár. Eins kom Þórey Edda Elísdóttir fyrir hönd ÍSÍ og flutti ávarp en í leiðinni sæmdi hún silfurmerki ÍSÍ Oddnýju Evu Böðvarsdóttur og gullmerki ÍSÍ fékk Páll Snævar Brynjarsson. Þessar viðurkenningar fengu þau fyrir þeirra ómetanlegu störf í þágu hreyfingarinnar. Hallbera Eiríksdóttir, fulltrúi UMSB í stjórn UMFÍ, flutti ávarp og veitti heiðursviðurkenningar. Guðrún Hildur Þórðardóttir hlaut starfsmerki UMFÍ og þeir Ingvi Árnason og Kristján Gíslason hlutu gullmerki UMFÍ.