medium

large

thumbnail

1536x1536

2048x2048

small

custom-size

Írskir dagar tókust vel í frábæru veðri – myndasyrpa

Reiknað með 1.200 milljónum á Vestursvæði úr aukafjárveitingu

Leggur til að vindorkugarður í Garpsdal fari í nýtingarflokk

ÍA vermir áfram botnsætið eftir tap gegn Fram

Auknar tekjur hafnarsjóðs

Leyfi til litarefnarannsóknar í Hvalfirði í skoðun

core/paragraph

Lokahátíð Upplestrarkeppni grunnskólanna á Akranesi fyrir árið 2024 var haldin í Tónbergi í gærkvöldi fyrir nánast fullu húsi. Tólf nemendur í 7. bekk sem valdir höfðu verið eftir undankeppni úr Brekkubæjarskóla og Grundaskóla tóku þátt og voru sex nemendur frá hvorum skóla. Frá Brekkubæjarskóla lásu Anna Lea Halldórsdóttir, Bryndís Lilja Gautadóttir, Davíð Antti Liljar Geirsson, Erna Kristín Guðnadóttir, Erlingur Orri Guðjónsson og Talía Björk Konráðsdóttir. Frá Grundaskóla lásu þau Álfheiður Magnúsdóttir, Daníel Rafnar Þórólfsson, Halldór Emil Unnarsson, Jörundur Óli Arnarsson, Lilja Sól Ástþórsdóttir og Ólöf Oddný Jansen. Keppnin snýst um að leggja sérstaka rækt við hið talaða mál; vandaðan upplestur og framburð og þjálfun í að koma fram fyrir hóp af fólki. Áður en keppnin hófst steig Idol stjarnan Björgvin Þór Þórarinsson upp í pontu og hélt fróðlegan fyrirlestur.

Dagur íslenskar tungu, 16. nóvember, markaði upphafið að upplestrarkeppninni. Þá hófst ferlið formlega og allir nemendur 7. bekkjar tóku til við æfingar á upplestri á ljóðum og sögum. Í lok febrúar voru haldnar undankeppnir í grunnskólunum og sex bestu lesararnir úr hvorum skóla valdir til að lesa á lokahátíðinni. Lesefnið sem lá til grundvallar á lokahátíðinni samanstóð af texta úr bókinni Bannað að drepa eftir Gunnar Helgason sem krakkarnir lásu öll einn lítinn kafla úr. Einnig lásu þau eitt ljóð úr ljóðabókum Þórarins Eldjárns og að lokum lásu krakkarnir upp ljóð sem þau höfðu valið sjálf. Þriggja manna dómnefnd fékk síðan það erfiða verkefni að velja besta lesarann úr hvorum skóla fyrir sig. Dómnefndina skipuðu þau séra Þráinn Haraldsson, Hallbera Jóhannesdóttir og Ingibjörg Ösp Júlíusdóttir.

Afhentar voru viðurkenningar fyrir teikningar á boðskort sem var sent á gesti hátíðarinnar. Það voru Emilía Auður Pétursdóttir úr Brekkubæjarskóla og Dagný Lára Ottesen úr Grundaskóla sem fengu þær viðurkenningar.

Að auki voru á dagskrá tvö tónlistaratriði nemenda úr Tónlistarskóla Akraness. Smári Njálsson spilaði á gítar lagið Shape Of My Heart eftir Sting ásamt Eðvarði Lárussyni kennara sínum. Andri Viðar Arnarsson spilaði síðan einnig á gítar Fjöllin hafa vakað með Ego ásamt kennara sínum, Arnþóri Snæ Guðjónssyni. Vilborg Þórunn Guðbjartsdóttir deildarstjóri í Brekkubæjarskóla var kynnir á hátíðinni og fórst það vel úr hendi.

Allir þátttakendur stóðu sig með stakri prýði og eiga mikið lof skilið fyrir frábæra frammistöðu. Virkilega var gaman að sjá hvað þau voru örugg í sínum flutningi og lítið stress í gangi hjá þeim. Leikar fóru svo þannig að Anna Lea Halldórsdóttir var valin upplesari Brekkubæjarskóla og Halldór Emil Unnarsson upplesari Grundaskóla.

Fréttaveita Vesturlands

Anna Lea og Halldór Emil unnu upplestrarkeppnina