Nýr langtímasamningur á vinnumarkaði sem Starfsgreinasambandið, Efling og Samiðn skrifuðu undir við Samtök atvinnulífsins, var undirritaður í Karphúsinu nú fyrir stundu. Samningurinn nær til tugþúsunda fólks á vinnumarkaði og gildir til fjögurra ára. Meginmarkmið samningsins, sem verkalýðsfélögin og SA kalla Stöðugleikasamninginn, er að skapa skilyrði fyrir minni verðbólgu, lægri vöxtum og stöðugleika.