Rælar, polkar, vínarkrussar, valsar, foxtrott, tangó og marzúkar, eru allt dansar sem landsmenn sem komnir eru til vits og ára þekkja frá gamalli tíð. Nú gefst áhugasömum á öllum aldri kostur á að reima á sig dansskóna því nýtt Félag harmonikuvina á Vesturlandi, í samstarfi við FEBAN, stendur fyrir sínu fyrsta „giggi“ föstudaginn 15. mars næstkomandi. Ballið verður í sal félags eldri borgara við Dalbraut 4 á Akranesi og hefst klukkan 20 og stendur til kl. 23.