Snæfell og Fjölnir áttust við í 3. umferð B deildar kvenna í Subway deildinni í körfuknattleik í gærkvöldi og var viðureignin í Stykkishólmi. Leikurinn var mjög mikilvægur í baráttunni um sæti í úrslitakeppninni en fyrir leik var Fjönir með sex stig og Snæfell fjögur. Leikurinn fór frekar rólega af stað, staðan var 9-8 Snæfelli í vil eftir rúmar fimm mínútur en þegar fyrsta leikhluta lauk voru gestirnir komnir með fimm stiga forskot,13:18. Snæfellskonur byrjuðu ansi vel í öðrum leikhluta og voru komnar sex stigum yfir, 27:21, miðja vegu en Fjölnir náði síðan svipuðu áhlaupi og staðan 29:31 fyrir Fjölni þegar flautað var til hálfleiks.