Síðasta fimmtudag var haldinn vinnufundur með íbúum Akraneskaupstaðar á vegum skipulags- og umhverfisráðs varðandi Jaðarsbakkasvæðið og mættu yfir 50 manns á fundinn. Dagskráin hófst með upprifjun á stefnu sem var gerð fyrir svæðið og ætlunin er að endurspeglist í skipulagi þess. Basalt arkitektar fóru síðan yfir frumhönnun sína fyrir svæðið, ásamt nánari útfærslu eins og möguleika á snúningi knattspyrnuvallar og umferð um svæðið.