medium

thumbnail

small

custom-size

Covid-19 að breiðast hratt út – Landspítalinn grípur til aðgerða

large

1536x1536

2048x2048

Kollafjörður lokaður fyrir umferð til norðurs í kvöld og nótt

Systkini á verðlaunapall í sitthvoru landinu sömu helgina

Mikið fjör á blautu Símamóti

Sturluhátíð vel sótt þrátt fyrir veður

243 íbúðir eru nú í byggingu á Vesturlandi

core/paragraph

Fulltrúar UMFÍ, ungmennafélagsins Þróttar Vogum og sveitarfélagsins Voga skrifuðu um miðja síðustu viku undir samning um Landsmót UMFÍ 50+ sem haldið verður í Vogum í sumar. Boðið verður upp á klassískar greinar; pönnukökubakstur, brennó og margt fleira. Búist er við fjölmennasta mótinu frá upphafi, samkvæmt frétt á vef UMFÍ. „Við erum búin að ákveða keppnisgreinar og ég get upplýst að keppni í pönnukökubakstri er aftur komin á dagskrá ásamt strandarhlaupi, keppni í félagsvist og brennó á Landsmóti UMFÍ 50+ þegar það verður haldið í Vogum í sumar,“ segir Petra Ruth Rúnarsdóttir, formaður Ungmennafélagsins Þróttar Vogum. Hún er jafnframt formaður framkvæmdanefndar mótsins sem fundaði í íþróttahúsinu í Vogum í síðustu viku. Mótið verður haldið dagana 7.-9. júní.

Landsmót UMFÍ 50+ er blanda af íþróttakeppni og viðburðum fyrir fimmtugt fólk og eldra sem allir snúast um að þátttakendur njóti samveru. Mótið er opið öllum sem verða 50 ára á árinu og þeim sem eldri eru. Ekki er krafa um að þátttakendur séu skráðir í íþróttafélag.

Tónleikar í heimahúsum

Petra segir fundinn hafa verið afar góðan og skipulag mótsins langt komið. Boðið verður upp á klassískar greinar eins og ringó og golf, boccia, pútt, frjálsar og að sjálfsögðu stígvélakast ásamt mörgu fleiru. Til viðbótar verði kynningar á ýmsum greinum fyrir flesta aldurshópa. Þar á meðal verður spiluð félagsvist og lomber, sem er vinsælt í Vogum og Grindavík. „Við verðum líka með strandarhlaup sem var haldið í tengslum við Fjölskyldudaga hér áður fyrr. Það verður opin og skemmtileg grein sem kemur í stað götuhlaups,“ segir Petra. Hún bendir á að líka sé mikil eftirspurn eftir því að keppa í brennó, sem hópur kvenna æfi í Vogum. „Við erum að vinna með svo margar hugmyndir og skoðum enn fleiri greinar og viðburði eins og tónleika og uppákomur í heimahúsum í Vogum á meðan mótinu stendur,“ segir Petra og bætir við að allt þetta bætist við skemmtikvöldið sem haldið verður á laugardegi mótsins.&nbsp;

Í tengslum við fundinn skrifuðu Petra, Jóhann Steinar Ingimundarson formaður UMFÍ og Gunnar Axel Axelsson, bæjarstjóri sveitarfélagsins Voga, undir samning um mótið. UMFÍ hefur haldið Landsmót UMFÍ 50+ frá árinu 2011 og verður það nú í í samstarfi við Þrótt Vogum og sveitarfélagið Voga. Bæjarstjórinn Gunnar Axel er afar spenntur fyrir mótinu og býst við mjög góðri aðsókn fólks frá Suðurnesjum og af höfuðborgarsvæðinu. „Þetta gæti orðið fjölmennasta Landsmót UMFÍ 50+ frá upphafi enda margt í boði. Við munum taka vel á móti öllum,“ segir hann í fréttinni á umfi.is.

Opnað verður fyrir skráningu á mótið í byrjun maí á umfi.is. Þar eru líka ítarlegari upplýsingar um Landmót UMFÍ 50+.

Fréttaveita Vesturlands

Keppni í pönnukökubakstri aftur komin á dagskrá á Landsmóti 50+