medium

large

thumbnail

1536x1536

2048x2048

small

custom-size

Húsfyllir á bingói Lighthouse fyrir Styrktarsjóð Ömmu Andreu – myndasyrpa

Hlýindi og leysingar á öllu landinu og hætta á krapaflóðum

Varað er við hvassviðri í dag og asahláku

Úr sarpi – Vigfús fagnar aldarafmæli sínu eftir rétta viku

Óformleg skoðun á sameiningu Dala og Húnaþings vestra

Hafsteinn gaf tónlistarskólanum safn bóka

core/paragraph

<p>Á fundi stjórnar Landssamtaka eigenda sjávarjarða (LES) miðvikudaginn 14. febrúar síðastliðinn var fjallað um nýframkomnar þjóðlendukröfur ríkisins sem beinast að eyjum og skerjum við Ísland, svokallað svæði 12 hjá óbyggðanefnd. „Stjórnin lýsir furðu sinni á þeim kröfum sem þarna eru settar fram þar sem ríkið ásælist megnið af yfir þrjú þúsund eyjum, hólmum og skerjum í kringum landið. Flestar eyjar sem kröfurnar beinast að eru þinglýstar eignir einstaklinga, sveitarfélaga og annarra aðila. Af þessum eignum hafa verið greidd fasteignagjöld og í sumum tilvikum hefur ríkið selt eyjar sem það ætlar nú að hrifsa til sín á ný. Virðingarleysið fyrir eignarréttinum er algjört og þar að auki er ekki einu sinni haft fyrir því að tilkynna kröfugerðina þeim aðilum sem kröfurnar beinast að heldur fréttir fólk af þessu í fjölmiðlum,“ segir í ályktun stjórnar Landssamtaka eigenda sjávarjarða.</p>

<p>„Það er ljóst að fjármálaráðherra er kominn langt frá upphaflegum tilgangi með setningu laga um þjóðlendur þar sem hugsunin var að leysa úr ágreiningi sem ríkt hafði í áratugi um eignarhald á tilteknum landsvæðum, þ.e. afréttum og almenningum. Það var ekki fyrr en með breytingum á lögum um þjóðlendur sem gerð var árið 2020 að ljóst varð að stjórnvöld hefðu tekið þessa veigamiklu ákvörðun að fara út fyrir strandlengjuna þar sem enginn ágreiningur hefur verið um eignarhald. Stjórnvöld hafa hvergi rökstutt af hverju nauðsynlegt er að fara í þessa vegferð né sýnt fram á hvar ágreiningur hefur legið. Öll landamerki í sjó eru skýr og enginn ágreiningur um að eyjar, hólmar og sker í sjó séu háð einkaeignarrétti. Á grundvelli þessa skorar stjórn LES á fjármálaráðherra að afturkalla allar þær kröfur sem ráðuneytið hefur lýst í svæði utan strandlengjunnar.“</p>

Segja algjört virðingarleysi borið fyrir eignarréttinum