medium

large

thumbnail

1536x1536

small

custom-size

Skógarstrandarvegur ekinn í sumarblíðunni

Klassart með tónleika í Hallgrímskirkju á sunnudaginn

Skátafélagið Örninn fór á landsmót

2048x2048

Vítaverður framúrakstur

Allt frá saumnálum til hjólastóla til í Dísubúð

Tveir árekstrar í vikunni

core/paragraph

Sextánda umferðin í fyrstu deild karla í körfuknattleik fór fram á föstudagskvöldið og þurftu liðin þrjú af Vesturlandi öll að þola tap. Mesta spennan var í leik Sindra og Skallagríms sem var í Ice Lagoon höllinni á Höfn þó lítið hefði bent til þess miðað við hvernig leikurinn fór af stað. Þegar fimm mínútur voru liðnar af leiknum var staðan reyndar 12:10 fyrir Sindra en þá fór allt í skrúfuna hjá gestunum. Heimamenn skelltu í lás og náðu 15-3 áhlaupi og staðan við lok fyrsta leikhluta 27:13 fyrir Sindra. Steini lostnir Skallagrímsmenn reyndu hvað þeir gátu til að koma sér inn í leikinn í öðrum leikhluta en lítið gekk hjá þeim í fyrstu. Um miðjan leikhlutann var staðan 35:21 fyrir Sindra en þá náðu gestirnir ágætis kafla og höfðu náð að minnka muninn niður í átta stig fyrir hálfleik, staðan 41:33 heimamönnum í hag.

Sindramenn náðu síðan 15 stiga forystu eftir þriggja mínútna leik í þriðja leikhluta, 51:36, og héldu henni nánast allan tímann en Skallarnir skoruðu síðustu fjögur stigin sem þýddi að munurinn var kominn aftur niður í átta stig, staðan 59:51 fyrir Sindra. Þeir skoruðu síðan fyrstu fjögur stigin í fjórða leikhluta en Skallagrímsmenn svöruðu með átta stigum í röð og staðan 63:59 Sindra í vil þegar rúmar fimm mínútur voru eftir. Þegar tvær mínútur voru eftir af leiknum jafnaði Davíð Guðmundsson metin fyrir Skallagrím með þriggja stiga körfu, staðan 69:69, og allt í einu komin mikil spenna í leikinn. Sindri komst einu stigi yfir þegar Juan Navarro hitti úr öðru vítaskoti sínu þegar aðeins hálf mínúta lifði af leik, 72:71, og heimamenn tryggðu sér síðan sigurinn á vítalínunni á síðustu andartökum leiksins, lokatölur 75:71 Sindra í hag. Svekkjandi niðurstaða fyrir Skallagrím en líklegast sanngjörn úrslit þegar upp var staðið.

Darius Banks var stigahæstur hjá Skallagrími með 34 stig, Björgvin Hafþórsson var með 16 stig og Marinó Þór Pálmason með 7 stig. Hjá Sindra var Milorad Sedlarevic, fyrrum leikmaður Skallagríms, með 22 stig og 10 fráköst, Samuel Prescott var með 17 stig og Birgir Halldórsson með 12 stig.

Ármann lagði Snæfell

Í Stykkishólmi tók Snæfell á móti Ármanni og þar voru gestirnir með undirtökin nánast allan leikinn. Snæfell skoraði aðeins sjö stig á fyrstu fimm mínútunum, staðan 7:15 og þegar fyrsta leikhluta lauk var munurinn tíu stig Ármanni í plús, 20:30. Betur gekk hjá heimamönnum í öðrum leikhluta og þegar flautað var til hálfleiks var staðan 40:44 fyrir Ármanni.

Þegar þriðji leikhluti var hálfnaður var staðan svipuð, 51:55, og þegar tvær mínútur voru eftir var stigamunurinn enn fjögur stig, 60:64. Sindri átti síðasta orðið og stigin fjögur og staðan 60:68 fyrir síðasta fjórðung. Snæfell komst næst Ármanni í fjórða leikhluta þegar þeir minnkuðu muninn í 73:78 þegar fjórar mínútur voru eftir en síðan skildu leiðir og þegar flautað var til leiksloka var niðurstaðan öruggur sigur Ármanns, lokatölur 81:95.

<a>Jaeden King var atkvæðamestur hjá Snæfelli með 37 stig og 10 fráköst</a>, Calvin Poulina var með 12 stig og Eyþór Lár Bárðarson með 10 stig. Hjá Ármanni var Gabriel Adersteg með 28 stig og 12 fráköst, DeVaughn Jenkins skoraði 21 stig og tók 15 fráköst, Ingimundur Orri Jóhannsson var með 15 stig og Alfonso Birgir Söruson með 10 stig.

core/image

<figure class="wp-block-image size-full is-style-default"><img src="https://umsjon.skessuhorn.is/wp-content/uploads/2024/02/Vesturlandslidin-topudu-oll-i-korfunni2.jpg" alt="" class="wp-image-74623"/><figcaption>Jaeden King var atkvæðamestur hjá Snæfelli með 37 stig og 10 fráköst. Ljósm. Bæring Nói Dagsson</figcaption></figure>

Skagamenn áttu lítið í toppliðið

Í Dalhúsum í Grafarvogi fékk topplið Fjölnis Skagamenn í heimsókn og vann nokkuð öruggan sigur. Leikurinn fór fjörlega af stað, staðan var 18:14 fyrir Fjölni um miðbik fyrsta leikhluta en þá náðu heimamenn skínandi góðum kafla og staðan 30:16 við lok hans. Um miðjan annan leikhluta sýndi klukkan 38:28 en fram að lokum fyrri hálfleiks keyrðu Fjölnismenn yfir ÍA og staðan 62:40 í hálfleik og Skagamenn í vondum málum.

Lítið gekk hjá gestunum að koma til baka í þriðja leikhluta, Fjölnir hleypti þeim aldrei of nálægt að neinu ráði þó Skagamenn gerðu sitt besta og staðan 80:67 fyrir síðasta fjórðung. Í honum tóku heimamenn til sinna ráða og voru með öll völd. Tuttugu stig voru á milli liðanna, 97:77, þegar fimm mínútir voru eftir og sami stigamunur þegar leik lauk, lokatölur 103:83 fyrir Fjölni.

Aamondae Coleman og Srdan Stojanovic skoruðu báðir 23 stig fyrir ÍA í leiknum og Aron Dagsson 12 stig. Hjá Fjölni var Lewis Diankulu atkvæðamestur með 22 stig og 10 fráköst, Fannar Elí Hafþórsson var með 21 stig, Brynjar Gunnarsson var með 16 stig og þeir Rafn Kristján Kristjánsson og Viktor Steffensen með 12 stig hvor.

Fjölnir og ÍR eru á toppi deildarinnar með 28 stig, KR er í þriðja sæti með 26 stig en á einn leik inni og Sindri í því fjórða með 22 stig. Næst koma lið Skallagríms, Þróttar Vogum og ÍA með 16 stig í 5.-7. sæti en Þróttur með leik minna. Þar á eftir eru lið Þórs Akureyrar og Ármanns með 10 stig, Selfoss er með 8 stig, Hrunamenn eru í 11. sæti með 6 stig og neðstir eru Snæfell með 4 stig.

Næstu leikir Vesturlandsliðanna eru næsta föstudag og hefjast klukkan 19.15. Í Borgarnesi mætast Skallagrímur og Snæfell og á Akranesi ÍA og ÍR.

Fréttaveita Vesturlands

Vesturlandsliðin töpuðu öll í körfunni um helgina