medium

large

thumbnail

1536x1536

2048x2048

small

custom-size

Húsfyllir á bingói Lighthouse fyrir Styrktarsjóð Ömmu Andreu – myndasyrpa

Hlýindi og leysingar á öllu landinu og hætta á krapaflóðum

Varað er við hvassviðri í dag og asahláku

Úr sarpi – Vigfús fagnar aldarafmæli sínu eftir rétta viku

Óformleg skoðun á sameiningu Dala og Húnaþings vestra

Hafsteinn gaf tónlistarskólanum safn bóka

core/paragraph

Fjármála- og efnahagsráðherra hefur, fyrir hönd íslenska ríkisins, afhent óbyggðanefnd kröfur um þjóðlendur á svæði 12 sem nefnist „eyjar og sker“ og tekur til landsvæða innan landhelginnar en utan meginlandsins. „Um er að ræða sautjánda og síðasta svæðið sem óbyggðanefnd tekur til meðferðar,“ segir í tilkynningu frá Óbyggðanefnd sem nú kallar eftir kröfum þeirra sem kunna að eiga öndverðra hagsmuna að gæta, en skila þarf inn rökstuddum mótmælum fyrir 15. maí í vor.

Í kröfugerð ráðherra er svæði 12 skipt í átta hluta. „Í meginatriðum er beitt útilokunaraðferð, þ.e. lýst kröfum sem taka til allra eyja, skerja og annarra landfræðilegra eininga utan meginlandsins en innan landhelginnar sem eru ofansjávar á stórstraumsfjöru, að undanskildum tilteknum eyjum eða hlutum þeirra, sbr. eftirfarandi yfirlit. Þá eru gerðar þjóðlendukröfur til afmarkaðra hluta tveggja eyja.

Kröfulýsingarnar í heild eru birtar á vefsíðu óbyggðanefndar. Eyjar út af Vesturströnd landsins, sem eru undanskildar þjóðlendukröfum, eru Hjörsey og á Breiðafirði eru það meginland/heimaeyjur eftirfarandi eyja: 1) Flatey. 2) Svefney. 3) Hvallátur. 4) Skáley. 5) Sviðnur. 6) Bjarneyjar. 7) Sauðeyjar. 8) Hergilsey. 9) Skáley. 10) Purkey. 11) Hrappsey. 12) Arney. 13) Rauðseyjar. 14) Rúfseyjar. 15) Akureyjar. 16) Höskuldsey. 17) Saurlátur. 18) Þormóðsey. 19) Elliðaey. 20) Fagurey. 21) Bíldsey. 22) Gvendarey. 23) Ólafsey. 24) Rifgirðingar. 25) Brokey. 26) Öxney.

Kröfur fjármála- og efnahagsráðherra taka til allra annarra eyja, skerja og annarra landfræðilegra eininga utan meginlandsins en innan landhelginnar sem eru ofansjávar á stórstraumsfjöru. Meginhlutverk óbyggðanefndar er að rannsaka hvaða svæði eru utan eignarlanda en slík svæði eru að undangenginni rannsókn úrskurðuð þjóðlendur. Einnig úrskurðar nefndin um óbein eignarréttindi innan þjóðlendna.

Fréttaveita Vesturlands

Ráðherra gerir kröfur um eignarhald eyja og skerja