Ferðaþjónustan hefur verið á hraðri leið upp síðustu ár á Íslandi og fjöldi erlendra ferðamanna er alltaf að aukast ár frá ári. Því er nú spáð að gestafjöldi til landsins gæti orðið 2,2 - 2,4 milljónir á þessu ári. Skessuhorn heyrði hljóðið í nokkrum ferðaþjónustuaðilum á Vesturlandi og forvitnaðist hvernig staðan væri nú í byrjun árs, hvernig gengið hefði hjá þeim á síðasta ári og hverjar væru horfurnar framundan.