Síðasta miðvikudag héldu nemendur í fyrsta bekk í Grundaskóla á Akranesi upp á þann merka áfanga að hafa verið hundrað daga í skólanum. Dagurinn var tileinkaður tölunni 100 þar sem unnin voru skemmtileg verkefni í tengslum við hana. Nemendur bjuggu sér til kórónur sem þau báru hreykin allan daginn, gerðu fallega sjálfsmynd og skrifuðu niður framtíðardrauma sem vonandi rætast fyrir 100 ára aldurinn.