medium

large

thumbnail

1536x1536

2048x2048

small

custom-size

Hafnarfjall Ultra fjallvegahlaupið tókst með ágætum – myndasyrpa og úrslit

Ágæt stemning á Brákarhátíð og Hinsegin hátíð Vesturlands – myndasyrpa

Fjölbreyttir og ennþá fjölskylduvænni Írskir dagar hefjast í næstu viku

Góð stemning við upphaf Brákarhátíðar og Hinsegin hátíðar Vesturlands – syrpa

Framlög til jöfnunar tónlistarnáms

Góður gangur í lagfæringum Dagverðarneskirkju

core/paragraph

Endurnýjað hefur verið samstarf nokkurra aðila um gagnkvæma aðstoð vegna björgunar og aðstoðar við sjófarendur á Faxaflóa. Að samkomulaginu standa Faxaflóahafnir, Slysavarnarfélagið Landsbjörg, Björgunarbátasjóður Reykjavíkur, Björgunarsveitin Ársæll, Björgunarsveitin Kjölur, Björgunarfélag Akranes og Björgunarsveitin Brák. Í tilkynningu segir að markmið samkomulagsins sé að stuðla að samstarfi og eins góðum viðbúnaði björgunaraðila og kostur er við Faxaflóa. Sem viðurkenningu á mikilvægi þess að hafa vel þjálfaðan mannskap innan björgunarsveitanna og nauðsynlegan búnað til að sinna björgun og aðstoð við sjófarendur, styrkja Faxaflóahafnir rekstur björgunarsveita Ársæls, Kjalar, Akraness og Brákar sem nemur sex milljónum króna árlega til ársins 2027.

Gunnar Tryggvason hafnarstjóri Faxaflóahafna segir að mikilvægi öflugra björgunarsveita fyrir sjófarendur verði seint metið að fullu. „Við fögnum áformum um endurnýjun búnaðar og aðstöðu sveitanna í okkar höfnum við Faxaflóahafna og viljum með þessu framlagi sýna þakklæti og létta undir með rekstri þessarar mikilvægu starfsemi,“ segir Gunnar. Slysavarnafélagið Landsbjörg og björgunarsveitirnar fjórar einsetja sér að tryggja eins gott viðbragð við útköllum og kostur er á hafnarsvæði Faxaflóahafna og eru Faxaflóahafnir reiðubúnar að veita þá aðstoð sem möguleg er hverju sinni.

Björgunarsveitir Slysavarnafélagsins Landsbjargar á Faxaflóasvæðinu eru með til reiðu björgunarskipin Jóhannes Briem, sem kom nýtt til Reykjavíkur haustið 2023, og Jón Gunnlaugsson á Akranesi. Auk þeirra eru björgunarsveitir á svæðinu með björgunarbátinn Sjöfn, Gróu Pétursdóttur og nýr björgunarbátur er væntanlegur á Akranes. Sveitirnar eiga einnig nokkurn fjölda sjóskíða og slöngubáta. Faxaflóahafnir eiga fjóra dráttarbáta, sem unnt er að kalla til aðstoðar ef á þarf að halda.

Endurnýja samstarfssamning um leit og björgun á Faxaflóa