Áhöfnin á Gísla Súrssyni GK lét ekki smá byl á sig fá þegar þeir voru að landa 13 tonnum af fiski í Ólafsvík í gær, en útgerðarfélagið Einhamar í Grindavík gerir bátinn út ásamt línubátnum Auði Vésteins GK. Báðir þessir bátar landa afla sínum í Ólafsvík og vinnur Sjávariðjan í Rifi þorskaflann fyrir útgerðina og Hafgæði í Hafnarfirði tekur að sér að vinna ýsuaflann. Fiskmarkaður Snæfellsbæjar sér svo um alla þjónustu við bátana.