Hvalur hf. hefur sent ríkislögmanni bréf með kröfu á hendur íslenska ríkinu. Fréttavefur Ríkisútvarpsins greindi frá. Þar segir að fyrirtækið fari meðal annars fram á að ríkissjóður greiði starfsmönnum þess laun fyrir það tímabil sem bann á hvalveiðum var í gildi, eða frá því 20. júní til loka ágúst í sumar. Í byrjun september voru veiðar síðan leyfðar á ný en með hertum skilyrðum.