medium

large

thumbnail

small

custom-size

Féll í Svöðufoss

Stóðu sig vel á aldursflokkamóti í sundi

1536x1536

2048x2048

Veiðimenn þurfa að ganga vel um náttúruna

Hrossin frá Bergi verða áberandi á Fjórðungsmóti

Dalamenn með úrtöku fyrir Fjórðungsmót

Góður fjölskyldu veiðidagur við Hlíðarvatn í Hnappadal

core/paragraph

Um síðustu áramót tók Skagamaðurinn Dagur Jóhannsson við rekstri elstu blómabúðar landsins, Blómatorginu á horni Hringbrautar og Birkimels í Reykjavík, en hún er staðsett við hliðina á Þjóðarbókhlöðunni. Dagur sem er 33 ára hefur unnið við ýmislegt á lífsleiðinni en er með litla reynslu af rekstri og hvað þá af rekstri heillar blómabúðar. Í færslu á FB síðu Blómatorgsins frá 1. janúar segir: „Frá árinu 1949 hefur Blómatorgið í Reykjavík verið í eigu sömu fjölskyldunnar, rekið af alúð og natni hverju sinni og kynslóðir alist upp bak við búðarborðið með bros á vör og blóm í vasa. Nú er hins vegar komið að leiðarlokum. Með dásamlegar minningar í farteskinu óskum við nýjum eigendum velgengni og farsældar og vonum að viðskiptin haldi áfram að blómstra. Fjölskylda Sigurðar Þóris Sigurðssonar heitins, blómakaupmanns í Blómatorginu, þakkar viðskiptin, vináttu og hlýhug á liðnum áratugum og kveður með stolti Birkimel 3.“

Blaðamaður Skessuhorns heimsótti Dag um liðna helgi í tilefni þessara tímamóta og fyrsta spurningin var hvað hefði komið til að hann tók þá ákvörðun að verða blómasali? „Fyrst var ég að spá í fasteigninni, mér fannst húsið mjög heillandi undir einhvern rekstur en svo leist mér bara mjög vel að hafa blómabúðina áfram. Reksturinn hefur gengið vel til þessa, þetta var spennandi tækifæri og góður andi í húsinu. Gamli eigandinn sagði mér að fólk hefði komið til sín og væri mjög þakklátt að þetta væri enn blómabúð en ekki bara einhver „veip“ sjoppa. Ég ætla því að gera mitt besta svo að það verði áfram þannig.“

core/image

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2024/01/Blom-fa-mann-til-ad-brosa2-1200x900.jpg" alt="" class="wp-image-73896"/><figcaption>Mynd af Dagsa að baksa í blómabúðinni.</figcaption></figure>

Dagur segir að hann hafi aldrei unnið í blómabúð áður og er að koma sér hægt og rólega inn í reksturinn. „Ég er búinn að vera í starfsþjálfun hjá þeim starfsmönnum sem voru hér fyrir sem eru að kenna manni réttu handtökin. Það verða tveir fyrrum starfsmenn sem fylgja búðinni sem verða hér í hlutastarfi og svo verður móðir mín, Hafdís Fjóla, með mér í rekstrinum. Ég er mjög ánægður að hafa tekið þetta skref, það er góð staðsetning á búðinni og viðskiptavinirnir hafa tekið okkur vel.“

Býr við hliðina á búðinni

Blómatorgið er opið alla daga frá klukkan 10 til 18.30 og mest er að gera um helgar. „Þetta er svolítið mikil viðvera en ég bý á Birkimel við hliðina á búðinni svo það er mjög þægilegt. Frá því ég tók við í byrjun árs hefur þetta gengið alveg framar vonum og er mjög skemmtileg vinna.“ Dagur segir að hann hafi alltaf haft mikinn áhuga á blómum og þótt þau falleg. „Ég hafði oft heyrt að það væri dásamlegt að vera í kringum blóm og ég held ég verði að vera sammála því.“

Dagur er nýkominn frá Þýskalandi þar sem hann fór að fylgjast með íslenska landsliðinu í handbolta á EM og kíkti í leiðinni í nokkrar blómabúðir til að fá hugmyndir fyrir búðina sína. Í Blómatorginu er úrval af gjafavörum og hyggst hann auka við það og innrétta búðina fljótlega til betri vegar. „Það verður aðeins meiri áhersla á gjafavöruna þannig að viðskiptavinirnir geti komið og keypt gjafir fyrir matarboðið eða hvað sem er. Þá geta þeir einnig komið til okkar líka fyrir það en ekki einungis fyrir blómin.“

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2024/01/Blom-fa-mann-til-ad-brosa3-1200x745.jpg" alt="" class="wp-image-73897"/><figcaption>Hafdís Fjóla Ásgeirsdóttir að fá afhenta lyklana úr hendi fyrrum eiganda Blómatorgsins, Ástu Björk Sveinbjörnsdóttur. Ljósm. aðsend</figcaption></figure>

Dagur með blómum

Blaðamaður spyr hann um nafnið á búðinni, Blómatorgið, og hvort hann hafi nokkuð velt því fyrir sér að breyta nafninu á búðinni. Blaðamaður kemur með tillögur eins og Blóm dagsins eða Dagur með blómum svona til að vísa í eigandann. Degi líst sæmilega á þær hugmyndir en segir: „Þetta er auðvitað mjög gamalt nafn og er alveg ágætt en flest ráðin sem ég hef fengið er að breyta alls ekki nafninu á búðinni. Ég var í raun og veru að kaupa einnig nafnið sem hefur verið það sama frá stofnun Blómatorgsins og ég held mig við það.“

Dagur segir að hann sé mjög bjartsýnn á framhaldið og er afar ánægður að hafa stokkið á þetta tækifæri. „Blóm fá mann til að brosa og þannig á það að vera. Ég hlakka til að hjálpa okkar viðskiptavinum að gleðja vini og vandamenn með blómum að gjöf. Þau gefa lífinu lit og hver vill ekki hafa þau í kringum sig allan daginn? Ég er alla vega einn af þeim.“ segir nýi blómasalinn bjartsýni að lokum.

<figure class="wp-block-image size-large is-resized is-style-default"><img src="https://umsjon.skessuhorn.is/wp-content/uploads/2024/01/Blom-fa-mann-til-ad-brosa4-1200x900.jpg" alt="" class="wp-image-73898" width="840" height="630"/><figcaption>Blómatorgið er á horni Hringbrautar og Birkimels. &nbsp;</figcaption></figure>