Mánudaginn 29. janúar næstkomandi klukkan 19:30 hafa íbúar í Skorradalshreppi verið boðaðir á fund í félagsheimilinu Brún. „Á fundinum gefst íbúum tækifæri til skoðanaskipta um sameiningarmál, sem og tillagna og fyrirspurna til hreppsnefndarfólks um sýn þeirra á fýsileika sameiningar við önnur sveitarfélög. Til fundarins er boðað með 10 daga fyrirvara í samræmi við 108. gr. sveitarstjórnarlaga,“ segir í fundarboði sveitarstjórnar.