Í morgun kom hópurinn saman sem kennir sig við Góðar fréttir af Snæfellsnesi. Fundað var í ráðhúsinu í Grundarfirði. Þetta var vinnufundur og stilltir saman strengir fyrir nýtt ár. „Við erum að taka forskot á sæluna í byrjun árs, en það kemur alltaf eitthvað skemmtilegt fram á þessum fundum okkar,“ segir Hlédís Sveinsdóttir verkefnastjóri í samtali við Skessuhorn. „Það er mikið framundan á svæðinu, vígsla þjónustuhúss fyrir eldra fólk í Snæfellsbæ, afmæli kaupstaðarins, fjölmargir viðburðir í Stykkishólmi og bara nefndu það. Við munum gera allt sem í okkar valdi stendur til að miðla upplýsingum um það,“ segir Hlédís.