Á fundi byggðarráðs Borgarbyggðar síðastliðinn fimmtudag var lögð fram uppfærð beiðni um stofnframlag frá Nemendagörðum Búvísindadeildar vegna uppbyggingar nemendagarða við LBHÍ á Hvanneyri ásamt endurreiknuðu stofnverði. Byggðarráð hafði um miðjan nóvember afgreitt sambærilegt erindi með þeim hætti að framlag væri ekki innan fjárfestingaráætlunar 2024 og að frekara samtal þyrfti að fara fram. Ein ástæða þess er að þátttaka í verkefninu felur í sér að leggja yrði stofnframlagið fyrir í peningum, þar sem sveitarfélagið á hvorki lóð né gatnakerfið á staðnum og gæti því ekki lagt fram stofnframlag sem t.d. ígildi afslátta af lóðagjöldum.