Böðvar Ingvason hefur séð um allan daglegan rekstur sem verktaki í útibúi Fiskmarkaðar Snæfellsbæjar á Akranesi frá því í október 2018, eða í rúm fimm ár. Fyrir smábátaeigendur er gríðarlega mikilvægt að þurfa ekki að sigla langt með aflann til löndunar og þjónusta fiskmarkaðar í heimahöfn getur því skipt sköpum um útgerð. En nú eru breytingar í vændum því Böðvar vann sinn síðasta vinnudag á fiskmarkaðinum í lok nóvember.