Aldurssamsetning þjóðarinnar er hratt að breytast. Eldra fólk lifir lengur en áður og er virkara og hraustara en nokkru sinni fyrr. Þjónusta við eldra fólk þarf því að þróast í takt við breytinguna. Sú vegferð er nú hafin á vegum hins opinbera undir heitinu „Gott að eldast“. Stjórnvöld taka þar utan um málefni eldra fólks með nýjum hætti. Grunnhugsunin er sú að eldra fólk er ekki byrði á samfélaginu heldur hefur það ótvírætt virði og mikilvægu hlutverki að gegna.