Hrauneyjafossvirkjun er ein sex virkjana sem njóta vatnsmiðlunar úr Þórisvatni, en þar hefur innrennsli í haust verið með allra minnsta móti. Ljósm. Landsvirkjun
Landsvirkjun skerðir raforkuafhendingu til stóriðju á suðvesturlandi
Landsvirkjun hefur tilkynnt stórnotendum á suðvesturhluta landsins; Elkem, Norðuráli og Rio Tinto auk fjarvarmaveitum, að skerða þurfi orku til starfsemi þeirra. Þessir notendur hafa ekki sætt skerðingum fyrr á þessum vetri. Skerðingarnar hefjast 19. janúar nk. og gert er ráð fyrir að þær geti staðið allt til 30. apríl. Það fer þó eftir vatnsbúskap á tímabilinu.