Fjárhagsáætlun Akraneskaupstaðar fyrir árið 2024 og þriggja ára áætlun 2025 til 2027 var samþykkt á fundi bæjarstjórnar Akraness á þriðjudaginn. Einnig var fjárfestinga- og framkvæmdaáætlun samþykkt. Fram kemur í frétt um áætlunina að gjaldskrár kaupstaðarins verða hækkaðar um 7% fyrir utan sérstakar ákvarðanir í einstaka gjaldskrám. Útsvar verður óbreytt á næsta ári, eða 14,74%. Álagningarprósentur fasteignaskatta verða 0,2467% fyrir íbúðarhúsnæði og 1,4678% fyrir atvinnuhúsnæði. Lóðarleiga af nýjum lóðum og endurnýjuðum samningum verður 1,199% af fasteignamatsverði atvinnulóða og 0,3034% af fasteignamatsverði íbúðarhúsalóða.