Skipverjar á netabátnum Bárði SH-811 brostu sínu breiðasta þegar þeir komu að landi í Rifi í gær, enda gott veður og rífandi aflabrögð. „Þetta er gaman,“ sagði Sigurður Viktor Hallgrímsson skipsverji í samtali við Skessuhorn. „Það var blíða og nóg af fiski. Við erum með 10 tonn í dag af boltafiski, en aflann fengum við í fjórar trossur.“ Bárður er nú um stundir eini báturinn í Snæfellsbæ sem rær með þorskanet.