Grundarfjarðarbær hefur síðustu ár efnt til ljósmyndasamkeppni þar sem úrslitin hafa verið kunngjörð á aðventudegi Kvenfélagsins ár hvert. Í ár var engin undantekning á þeirri reglu og komu forsvarsmenn menningarnefndar bæjarins upp á svið og veittu verðlaun fyrir þrjú efstu sætin. Diana Arcila var í fyrsta sæti, Rut Rúnarsdóttir í öðru sæti og Sólveig Stefanía Bjarnadóttir í því þriðja.