medium

large

thumbnail

1536x1536

2048x2048

small

custom-size

Flýtti sér í heiminn við Dalsmynni

Fyrsti skóladagur í nýbyggingu Grundaskóla

Opnuðu Urði ullarvinnslu fyrir gestum

Komu við á Höfða í árlegri sumarreið

Skólastarf undir berum himni

Héldu aðalfund á Höfða og gáfu sjúkrarúm

core/paragraph

Uppskeruhátíð MEMA 2023 fór fram 23. nóvember síðastliðinn í sal Háskóla Íslands þar sem fjórtán teymi kepptu um að hljóta sigurtitil MEMA 2023. MEMA (Menntamaskína) er nýsköpunarhraðall fyrir framhaldsskólanemendur þar sem þeir vinna að því að þróa hugmyndir sínar og koma þeim í verk í formi frumgerða. Fjölbreytt teymi frá fimm framhaldsskólum tóku þátt í MEMA 2023 og voru teymin frá Fjölbrautaskólanum í Breiðholti, Menntaskólanum við Hamrahlíð, Fjölbrautaskólanum við Ármúla, Fjölbrautaskóla Snæfellinga í Grundarfirði og Menntaskólanum á Ísafirði.

Dominik Wiszniewski, Emil Jan Jacunsk, Emil Áskelsson, Hjálmar Ingi Hjaltalín og Ásgeir Hjaltason sem eru allir nemendur úr Fjölbrautaskóla Snæfellinga (FSN) tóku þátt fyrir hönd skólans. Þeirra framlag í keppnina var íþróttadrykkur úr þara en þarinn eykur næringargildi drykksins og drykkinn kalla þeir KELP co. Undirbúningur hefur farið fram á haustönn en þeir stunda nám í áfanga sem heitir MEMA og er kennarinn þeirra Gunnlaugur Smárason.

Sigurhugmyndin kom frá teymi Fjölbrautaskólans við Ármúla sem var uggbitar og eru fiskiflögur búnar til úr ugga fisksins sem er almennt hent. Einnig komust þessar hugmyndir í úrslit: Hörður Christian Newman nemandi við Menntaskólann á Ísafirði hneppti annað sætið fyrir hugmyndina Sædísi sem er útsýnissjókví sem ræktar þara og kræklinga til að hreinsa mengun og draga úr súrnun sjávar. Lilja Ósk Ragnarsdóttir úr Fjölbrautaskólanum í Breiðholti endaði í þriðja sæti með Location Trawl sem er búnaður sem auðveldar söfnun og eftirfylgni með drauganetum. Þá fengu þrír nemendur úr Menntaskólanum við Hamrahlíð fjórða sætið fyrir Sokk sem er frárennslisnet sem hægt er að koma fyrir í lækjum þar sem mikil plastmengun er fyrir hendi, til að mynda á byggingarsvæðum og við fráveituop.

Nemendur úr FSN stóðu sig vel í nýsköpunarkeppni